ფქვილის მწარმოებელთა ასოციაცია რუსეთიდან მაგარი ხორბლის ექსპორტის აკრძალვაზე განმარტებას აკეთებს

ფქვილის მწარმოებელთა ასოციაცია რუსეთიდან მაგარი ხორბლის ექსპორტის აკრძალვაზე განმარტებას აკეთებს

საქართველოს ხორბლისა და ფქვილის მწარმოებელთა ასოციაცია 1 დეკემბრიდან რუსეთის ფედერაციიდან მაგარი სახეობის ხორბლის ექსპორტის აკრძალვის დადგენილების პროექტის შესახებ განმარტებას აკეთებს.

საქმე ის არის, რომ რუსეთში სოფლის მეურნეობის სამინისტრო პირველი დეკემბრიდან 2024 წლის 31 მაისამდე მაგარი ხორბლის ექსპორტის აკრძალვის ინიციატივით გამოდის. გადაწყვეტილების შესაბამისი დოკუმენტი სამინისტრომ უკვე შეიმუშავა, რომლის მიხედვით აკრძალვა მხოლოდ ბელარუსს არ შეეხება.

საქართველოს ხორბლისა და ფქვილის მწარმოებელთა ასოციაციაში განმარტავენ, რომ გავრცელებულმა ინფორმაციამ გარკვეული დაბნეულობა და აჟიოტაჟი გამოიწვია. ასოციაცია განმარტავს, რომ დადგენილების პროექტი მხოლოდ მაგარი სახეობის ხორბლის ექსპორტის აკრძალვას ( კოდი 1001 11 და 1001 19) ეხება, რომლის გამოყენების სფეროა მაკარონის წარმოება, აღნიშნული კატეგორიის ხორბალი შეადგენს რუსეთის ხორბლის მთლიანი მოსავლის 1%-ს ).

„აკრძალვა არ ეხება რბილი კატეგორიის ხორბალს, რომელიც პურის ინდუსტრიაში გამოიყენება და რომელიც საქართველოში შემოდის. აქედან გამომდინარე არავითარი გავლენა ამას საქართველოს ბაზარზე – გვინდა აქვე განვმარტოთ, რომ საქართველოში დღეს არსებობს 2 თვეზე მეტი მოხმარების ხორბლის მარაგი და იმპორტიც და ადგილობრივი ხორბლის ჩაბარება წისქვილკომბინატების მიერ შეუფერხებლად ხორციელდება, შესაბამისად ამ მხრივ სრულად დაცულია სასურსათო უსაფრთხოება“, – განმარტავენ ასოციაციაში.

მსგავსი სიახლეები

ეროვნული ბანკის ევრო 2024-ის მონეტა ოქროს და ვერცხლის იქნება

ეროვნული ბანკის ევრო 2024-ის მონეტა ოქროს და ვერცხლის იქნება

ფეხბურთში ეროვნული ნაკრების ისტორიული გამარჯვებისა და ევროპის 2024 წლის ჩემპიონატზე თამაშის აღსანიშნავად, საქართველოს ეროვნული ბანკი 5 ლარის ნომინალის საკოლექციო დანიშნულების ოქროსა…
რუსეთის თავდასხმებით უკრაინის ენერგეტიკამ $56 მილიარდის ზარალი მიიღო

რუსეთის თავდასხმებით უკრაინის ენერგეტიკამ $56 მილიარდის ზარალი მიიღო

ბოლო პერიოდის განმავლობაში რუსული სამხედრო ძალების სამიზნე უკრაინის ენერგეტიკული და საკომუნიკაციო ინფრასტრუქტურაა. ამ ეტაპზე, მოსახლეობის მნიშვნელოვან ნაწილს შეზღუდული აქვს ელექტროენერგიის, გაზისა…
დაზღვევა საბანკო სექტორის დანამატი ხდება, გამოსავალი აქტივების ფლობის აკრძალვაა – არჩილ მორჩილაძე

დაზღვევა საბანკო სექტორის დანამატი ხდება, გამოსავალი აქტივების ფლობის აკრძალვაა…

სადაზღვევო კომპანიების ნაწილი კომერციული ბანკებისთვის სადაზღვევო სფეროში აქტივების ფლობის შეზღუდვის ინიციატივის გააქტიურებას გეგმავს. როგორც „საქართველოს სადაზღვევო ჯგუფის“ დამფუძნებელმა BMG-ის განუცხადა, კონკურენციის…