ქობულეთში ჩილიმის არომატების საწარმო ოფიციალურად იხსნება – ინვესტიცია 5.5 მლნ ევრო

ქობულეთში ჩილიმის არომატების საწარმო ოფიციალურად იხსნება – ინვესტიცია 5.5 მლნ ევრო

ქობულეთში დღეს, 12 ივლისს ლიბანური ინვესტიციით ჩილიმის არომატების საწარმო იხსნება. საწარმომ, რომელიც სოფელ მუხაესტატეში 10 000კვ.მ მიწის ნაკვეთზეა გაშენებული, მუშაობა მიმდინარე წლის დასაწყისში დაიწყო. ინვესტიციის მოცულობა  5.5 მლნ ევროს შეადგენს.

ჩილიმის არომატების საწარმოს წარმომადგენელი, თამარ გუნდაძე BMG-ისთან აცხადებს, რომ საწარმოს გახსნის მთავარ მიზანს ადგილობრივი და საერთაშორისო ბაზრისთვის მაღალი ხარისხის ჩილიმის არომატების მიწოდება წარმოადგენს. მისი თქმით, ლიბანური ინვესტიციით განხორციელებული საწარმო საერთაშორისო სტანდარტების დაცვით არის აშენებული და ISO 9001/2015 და ISO 14001 სერტიფიკატებს ფლობს.

“მსგავსი საწარმო საქართველოს ტერიტორიაზე პირველია და ამით ძალიან ვამაყობთ. საწარმოში მზადდება მოსაწევი ყალიონი, ჩილიმის 112 სახეობის არომატიზირებული პროდუქტი. ასორტიმენტი საკმაოდ მაღალი გვაქვს. შეთავაზებაშია, როგორც კლასიკური ტიპის, ასევე სპეციალურად ბრენდისთვის შექმნილი ახალი რეცეპტები. კომპანია ხარისხზეა პასუხისმგებელი, ამდენად პროდუქციის საწარმოებლად უმაღლესი ხარისხის თამბაქოსა და არომატებს ვიყენებთ. ასევე, გეტყვით, რომ კომპანია ბრენდავს და ამზადებს ჩილიმის მოსაწევ უჟანგავი მეტალის აპარატს, VIP ჩილიმის სასაჩუქრე ნაკრებს, განსაკუთრებული დიზაინით ამზადებს ჩილიმის მოსაწევ ლაზერულ აპარატს, ასევე ბრენდავს ჩილიმის მილებს, მარკეტინგული გათვლის ლედ განათების ყელსაბამს, სამაჯურს და სხვადასხვა აქსესუარებს.

ამასთან, საერთაშორისო კომპანია ROCK-თან პარტნიორობით, ექსკლუზიურად ვამზადებთ და საქართველოში შემოგვაქვს საჩილიმე ნახშირი, რომელიც 100% შემადგენლობით შეიცავს ქოქოსის გარსს, რაც ხაზს უსვამს მის ეკო მეგობრულ შემადგენლობას. ჩვენს კომპანიას ასევე ექსკლუზიურად შემოაქვს თორმეტი სახეობის ელექტრო სიგარეტი ბრენდით H VAPE”, – აღნიშნა თამარ გუნდაძემ.

ჩილიმის არომატების საწარმოო ხაზი, ქობულეთში 2023 წლის იანვრის თვიდან გაიხსნა და უკვე საერთაშორისო ბაზარზე გადის.

“ჩვენ აქტიურად ვმუშაობთ საერთაშორისო ბაზრების ათვისებაზე. გამომდინარე იქიდან, რომ ჩვენი დამფუძნებლები ლიბანიდან არიან, და ლიბანი ჩილიმის მოხმარებით მნიშვნელოვანი ბაზარია, ამიტომ, პირველი ექსპორტი ლიბანში განვახორციელეთ და შუა აღმოსავლეთის ქვეყნებში. აღსანიშნავია, რომ ექსპორტზე გავდივართ მნიშვნელოვანი წარწერით „სიამაყით დამზადებულია საქართველოში“. ჩვენი პროდუქტები ლაბორატორიულად შემოწმებული და დადასტურებულია, რაც ნიშნავს, რომ ევროპის ბაზრისთვის აქტიურად ვემზადებით”,- ამბობს თამარ გუნდაძე.

თამარ გუნდაძის თქმით, კომპანიაში ამ დროისთვის 35 ადამიანია დასაქმებული. ჩილიმის არომატების საწარმო წლის ბოლომდე დასაქმებულთა რაოდენობის გაორმაგებას გეგმავს.

მსგავსი სიახლეები

წელს კაპიტალის ბაზარზე რამდენიმე მსხვილი კორპორაციული ემისია განხორციელდება, იგეგმება ევრობონდების გამოშვებაც – Galt & Taggart

წელს კაპიტალის ბაზარზე რამდენიმე მსხვილი კორპორაციული ემისია განხორციელდება, იგეგმება…

მიმდინარე წელს კაპიტალის ბაზარზე გაზრდილ აქტივობას ელოდებიან. როგორც საინვესტიციო ბანკ Galt & Taggart-ში აცხადებენ, წელს 6 თვეში ადგილობრივ ბაზარზე 140 მლნ…
ირაკლი კობახიძე დიდი ბრიტანეთის ელჩს შეხვდა

ირაკლი კობახიძე დიდი ბრიტანეთის ელჩს შეხვდა

საქართველოს პრემიერ-მინისტრი ირაკლი კობახიძე დიდი ბრიტანეთის ელჩს, მარკ კლეიტონს შეხვდა, რომელიც საქართველოში დიპლომატიურ მისიას ასრულებს. მთავრობის ადმინისტრაციის ცნობით, გამოსამშვიდობებელ შეხვედრაზე ხაზი…
2025 წელს საქართველოს ქალაქების მოსახლეობის 100%-ს უწყვეტი სტანდარტების შესაბამისი წყალმომარაგება ექნება – სტრატეგია

2025 წელს საქართველოს ქალაქების მოსახლეობის 100%-ს უწყვეტი სტანდარტების შესაბამისი…

რეგიონული განვითარების და ინფრასტრუქტურის სამინისტრომ მაღალმთიანი დასახლებების განვითარების 2024-2030 წლების სტრატეგია გამოაქვეყნა. სტრატეგიაში საუბარია პრიორიტეტებზე, რომლებიც მომდევნო წლებში უნდა შესრულდეს და…