ყველა საბაჟო განსაკუთრებულ რეჟიმზე გადავიდა – შემოსავლების სამსახური

ყველა საბაჟო განსაკუთრებულ რეჟიმზე გადავიდა – შემოსავლების სამსახური

ფინანსთა სამინისტროს შემოსავლების სამსახური საქართველოს საბაჟოებზე არსებულ მდგომარეობასთან დაკავშირებით სპეციალურ განცხადებას ავრცელებს. მათი ინფორმაციით, გაზრდილი სატრანსპორტო ნაკადის გამო, დღეს ყველა საბაჟო მუშაობის განსაკუთრებულ რეჟიმზე არის გადასული.

არსებული მდგომარეობით, საქართველოს საზღვარს დღეში 1,400-ზე მეტი სატრანზიტო ტრაილერი კვეთს. აგვისტოს განმავლობაში ქვეყნის სატრანსპორტო მაგისტრალებით სულ 44,000-მა ტრაილერმა ისარგებლა. 

“ფინანსთა სამინისტროს შემოსავლების სამსახური გაცნობებთ, რომ მთლიანად რეგიონში გაზრდილი სატრანსპორტო ტვირთნაკადის პირობებში, ყველა საბაჟო გამშვები პუნქტი გადასულია მუშაობის განსაკუთრებულ რეჟიმზე.

ამასთან, საბაჟო კონტროლის პროცედურების 24-საათიან რეჟიმში, შეუფერხებლად განხორციელების მიზნით, საქართველოს მასშტაბით არსებულ გამშვებ პუნქტზე გაზრდილია მებაჟე ოფიცრების რაოდენობა.

აქვე განვმარტავთ, რომ რუსეთის ფედერაციის მხარეს “ლარსის” საბაჟო გამშვები პუნქტის გავლით, ნაწილობრივ შეფერხებულია, საქართველოდან (საბაჟო გამშვები პუნქტი ,,ყაზბეგი“) გასული სატვირთო ავტომობილების მიმართ საბაჟო კონტროლის პროცედურები.

გაზრდილი საერთაშორისო ტვირთბრუნვის უწყვეტობის უზრუნველყოფის მიზნით, საბაჟო გამშვები პუნქტების ერთობლივი მართვის ფარგლებში, შემოსავლების სამსახური ინტენსიურ კომუნიკაციაში იმყოფება მეზობელი ქვეყნების – თურქეთის, აზერბაიჯანისა და სომხეთის რესპუბლიკების, შესაბამის საბაჟო ადმინისტრაციებთან, რათა სწრაფად გამოიძებნოს ალტერნატიული საბაჟო გამშვები პუნქტები დანიშნულების ქვეყნებში მოხვედრისთვის,”- აცხადებს შემოსავლების სამსახური.

მსგავსი სიახლეები

ტვირთების უმეტესობა ჩინეთიდან ელექტრონულ ვაჭრობას უკავშირდება – CAMEX Airlines გაზრდილ საჰაერო გადაზიდვებზე

ტვირთების უმეტესობა ჩინეთიდან ელექტრონულ ვაჭრობას უკავშირდება – CAMEX Airlines…

საქართველოდან საჰაერო გზით გადატვირთული ტვირთების მოცულობა მზარდია. სამოქალაქო ავიაციის სააგენტოს ინფორმაციით, მიმდინარე წლის 4 თვეში საჰაერო გზით გადაზიდული ტვირთების მოცულობამ 10…
აშშ 2025 წელს ტურიზმიდან $12 მილიარდის შემოსავალს დაკარგავს – Bloomberg

აშშ 2025 წელს ტურიზმიდან $12 მილიარდის შემოსავალს დაკარგავს –…

ამერიკის შეერთებული შტატები მიმდინარე წელს ტურიზმიდან $12.5 მილიარდის შემოსავალს დაკარგავს, ვიზიტორთ დანახარჯები კი წლის ბოლომდე $169 მილიარდამდე შემცირდება. შესაბამისად, ვიზიტორთა დანახარჯები…
მინერალური რესურსების სააგენტო გარემოს დაცვის სამინისტროს დაექვემდებარება – პარლამენტმა კანონპროექტი მიიღო

მინერალური რესურსების სააგენტო გარემოს დაცვის სამინისტროს დაექვემდებარება – პარლამენტმა…

ერთპარტიულმა პარლამენტმა მესამე მოსმენით, 79 ხმით მიიღო კანონპროექტი, რომლის თანახმადაც სსიპ მინერალური რესურსების ეროვნული სააგენტო ეკონომიკის სამინისტროს ნაცვლად გარემოს დაცვისა და სოფლის…