EU-ის დირექტივა მოითხოვს, რომ ევროკავშირის ყველა კომპანიამ კორპორაციული პასუხისმგებლობის ანგარიშგების მოთხოვნები დააკმაყოფილოს – ედრიან ფოზარდი

EU-ის დირექტივა მოითხოვს, რომ ევროკავშირის ყველა კომპანიამ კორპორაციული პასუხისმგებლობის ანგარიშგების მოთხოვნები დააკმაყოფილოს – ედრიან ფოზარდი

ევროკავშირის დირექტივა მოითხოვს, რომ ევროკავშირის ყველა კომპანიამ დააკმაყოფილოს კორპორაციული პასუხისმგებლობის ანგარიშგების მოთხოვნები, – ამის შესახებ მსოფლიო ბანკის პროგრამების მენეჯერმა აღმოსავლეთ ევროპასა და შუა აზიაში, ედრიან ფოზარდიმ “ანალიტიკასთვის” მიცემულ ინტერვიუში განაცხადა.

წამყვანის კითხვაზე, რას ურჩევდა ის ერთი მხრივ BARTA-ს, მის გუნდს და მეორე მხრივ, გადაწყვეტილების მიმღებ პირებს საქართველოში, რესპონდენტი პასუხობს:

“ვფიქრობ, ერთი მთავარი გამოწვევა ამ გზაზე კორპორაციული მდგრადობის ანგარიშგებების მომზადებას დაუკავშირდება. ევროკავშირის დირექტივა მოითხოვს, რომ ევროკავშირის ყველა კომპანიამ დააკმაყოფილოს კორპორაციული პასუხისმგებლობის ანგარიშგების მოთხოვნები და სტანდარტები. ეს მოიცავს 50 ათას მსხვილ კომპანიას ევროკავშირში. ეს კი იმას ნიშნავს, რომ სავაჭრო პარტნიორებისთვის ძალიან მნიშვნელოვანი იქნება, რომ ასევე დააკმაყოფილონ იმავე ტიპის მოთხოვნები. ეს ძალიან დიდი გამოწვევაა. ამას სჭირდება ახალი ტიპის უნარები. ახალი გამოწვევები იქნება თავად ანგარიშგების ხარისხთან დაკავშირებითაც. ეს მოითხოვს, საქართველოს მიერ ისეთი სტანდარტების შემუშავებას, რომლებიც თანხვედრილი იქნება ევროკავშირის სტანდარტებთან. ამ ეტაპზე, ვფიქრობ, საქართველომ უკვე უნდა დაიწყოს ფიქრი იმის შესახებ, თუ როგორ მოემზადება ამ პროცესისთვის, ამ ახალი გამოწვევისთვის.

ამ ნაწილში ალბათ საჭირო გახდება ქვეყნის სამოქმედო გეგმის მომზადება – რომ გამოჩნდეს, როგორ იქნება წარმართული კორპორაციული მდგრადობის ანგარიშგების პროცესი საქართველოს კონტექსტში, როგორ იქნება ეს პროცესი წარმართული ეროვნული სტანდარტების შესაბამისად. რაც შეეხებათ ბიზნესებს, დიდი გამოწვევაა ავთენტურობის დაცვა – რეალისტური სურათის ჩვენება და საკუთარ კომპანიასთან დაკავშირებული ამბის სწორად გადმოცემის უნარი. კომპანიებმა უნდა შეძლონ კარგი ამბის მომზადება – რომელიც აჩვენებს მათ მიღწევებს, მათ წარმატებას, მაგრამ ამავდროულად არის გულწრფელი და გამჭვირვალე მათ წინაშე მდგარი გამოწვევების შესახებ. ეს ნაწილი განსაკუთრებით მნიშვნელოვანია ინვესტორებისთვის. მათ უნდა ჰქონდეთ წარმოდგენა იმის შესახებ, თუ რა არის კარგად და სად არის რისკები. გულწრფელობა და გამჭვირვალობა ყოველთვის საუკეთესო პრაქტიკაა. დამალული ინფორმაცია არ არსებობს – შესაბამისად, ყოველთვის კარგია, როცა ეს ინფორმაცია პარტნიორებს თავიანთი კორპორაციული პარტნიორებისგან მიეწოდებათ. ჩვენ მხარს ვუჭერთ კომპანიებს, დახვეწონ თავიანთი კორპორაციული ანგარიშგებები; დროულად წარმოადგინონ, ფაქტებს დააფუძნონ და კარგად გადმოსცენ ამბავი”, – განაცხადა მან.

მსგავსი სიახლეები

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ვეყანაში ცხოვრების დონე ყოველწლიურად უმჯობესდება – ირაკლი კობახიძე

ჩვენი ამოცანაა, რომ ჩვენ ქვეყანას აღვუდგინოთ ტრადიციული ფუნქცია, დამაკავშირებელი ფუნქცია, ეს არის დაკავშირება დასავლეთსა და აღმოსავლეთს შორის, ევროპასა და აზიას შორის,…
რუსეთიდან ბენზინის ექსპორტის აკრძალვა აგვისტოდან განახლდება

რუსეთიდან ბენზინის ექსპორტის აკრძალვა აგვისტოდან განახლდება

რუსეთის მთავრობა ბენზინის ექსპორტის აკრძალვას აგვისტოდან გააახლებს. რუსეთის ვიცე-პრემიერის განცხადებით, ენერგეტიკის სამინისტრომ ითხოვა, აკრძალვა სექტემბერ-ოქტომბრამდე გაგრძელდეს. ცნობისთვის, ბენზინის ექსპორტის აკრძალვა რუსეთმა…
საიდან შემოდის ყველაზე ძვირად ღირებული ავტომობილები საქართველოში? – TOP-5

საიდან შემოდის ყველაზე ძვირად ღირებული ავტომობილები საქართველოში? – TOP-5

2024 წლის იანვარ-ივნისში საქართველომ 1.2 მლნ აშშ დოლარის ავტომობილები იყიდა. საქართველოდან კი 933.9 მლნ აშშ დოლარის ავტომობილები გადაყიდა. თითქმის უცვლელია ავტომობილების იმპორტიორი…