“საქართველოს ნავთობისა და გაზის კორპორაცია” (GOGC) საქართველოში მოპოვებული გაზის ნაწილს ყიდის. კორპორაციამ აუქციონზე 5 მლნ კუბ.მეტრი გაზი გამოიტანა.
ვაჭრობისას, რომელიც 10 ივნისს უნდა გაიმართოს, ბუნებრივი გაზის საწყისი ფასი 1000 მ3 -ზე 627.16 ლარია (დღგ-ს გარეშე). სააუქციონო ვაჭრობა კი, იწყება საწყისი ფასით და გრძელდება „საწყისი ფასის“ 5.45 ლარის ბიჯით გაზრდის პრინციპით.
აუქციონის პირობით, 5 მლნ კუბ.მეტრი გასაყიდი გაზის სავარაუდო მოცულობაა. გაზის მყიდველისათვის მიწოდება დამოკიდებული იქნება საბადოდან მოპოვების დინამიკასა და ფაქტობრივ მაჩვენებლებზე. ბუნებრივი გაზის მიწოდება განხორციელდება „ყიდვა-გაყიდვის ხელშეკრულების“ გაფორმებიდან ერთი წლის განმავლობაში ან მყიდველისათვის 5 000 000 მ3 მიწოდებამდე, რომელი მოვლენაც უფრო ადრე დადგება.
აღსანიშნავია, რომ გასულ წელს საქართველოში გაზის მოპოვება გაზრდილი იყო. ქვეყანაში 16.6 მლნ კუბ.მეტრი გაზის მოპოვება მოხდა, 2022 წელს არსებული 14 მლნ-ის შემდეგ. 2023 წელს მოპოვებული გაზიდან 11.5 მლნ კუბ. მეტრი ინვესტორის წილი იყო, 5.1 მლნ-ი კი, სახელმწიფოს გადაეცა.
კომპანია „მპ დეველოპმენტმა“, ეკონომიკისა და მდგრადი განვითარების სამინისტროს სსიპ სააგენტოს „აწარმოე საქართველოში“ კაპიტალის ბაზრის მხარდაჭერის პროგრამის ფარგლებში, თიბისი კაპიტალისა და გალტ…
გარემოს დაცვისა და სოფლის მეურნეობის მინისტრის მოადგილის თენგიზ ნასარიძის განცხადებით, შარშანდელთან შედარებით წელს ხორბლის საჰექტარო მოსავლიანობა გაზრდილია, გაუმჯობესებულია ხარისხიც და შესაბამისად,…