II კვარტალში იაპონიიდან საქართველოში $59.2 მლნ-ის ინვესტიცია შემოვიდა – დარგები და კომპანიები

II კვარტალში იაპონიიდან საქართველოში $59.2 მლნ-ის ინვესტიცია შემოვიდა – დარგები და კომპანიები

II კვარტალში ქვეყნის ეკონომიკაში შემოსული 574.3 მილიონიან FDI-ში გაერთიანებული სამეფოს შემდეგ, იაპონია მეორე ქვეყანა იყო, საიდანაც ყველაზე მეტი უცხოური ინვესტიცია შემოვიდა.

საქსტატის წინასწარი მონაცემებით, იაპონური ინვესტიციების მოცულობამ ამ პერიოდში 59.2 მლნ დოლარი შეადგინა, მაშინ როდესაც გასულ წელს ეს რიცხვი 16.5 მლნ დოლარს შეადგენდა.

უნდა აღინიშნოს, რომ 2023 წლის პირველ ნახევარში იაპონური ინვესტიციების მონაწილეობა ეკონომიკის სხვადასხვა დარგებში 85.7 მლნ დოლარს შეადგინა, 2024 წლის პირველ ნახევარში კი 78.5 მლნ დოლარი იყო.

BM.GE დაინტერესდა – რომელ სექტორებსა და კომპანიებში ჩაიდო 2024 წლის II კვარტალში იაპონური ინვესტიცია და ეს ინფორმაცია საქსტატიდან გამოითხოვა.

საქსტატიდან მიღებული პასუხის მიხედვით, იაპონიიდან ქვეყნის ეკონომიკაში ჩადებული ინვესტიციის დიდი მოდის დარგზე, რომელიც სტატისტიკაში დანარჩენ სექტორებით არის მონიშნული და აერთიანებს ელექტროენერგიის, აირის, ორთქლის, მშენებლობა, საბითუმო და საცალო ვაჭრობას, ავტომობილების და მოტიციკლების რემოტს, ასევე განთავსების საშუალებებს, ინფორმაცია და კომუნიკაციას, ადმინისტრაციულ და დამხმარე მომსახურების საქმიანობებს. ამ მიმართულებებზე 59 მილიონ 177 ათასი დოლარის ინვესტიცია ჩაიდო, ხოლო უძრავ ქონებასთან დაკავშირებულ საქმიანობებში სულ რაღაც 55 ათასი დოლარი.

კომპანიები კი სადაც წლის ამ პერიოდში იაპონიიდან ინვესტიცია განხორციელდა არიან:

  • შპს ზე ლითლ პრინც
  • შპს დასავლეთ ევროპისა და იაპონიის სურსათი (დის)
  • სს დარიალი ენერჯი
  • შპს ტოიოტა კავკასია

საქსტატის მონაცემებით, მიმდინარე წლის პირველ ნახევარში საქართველომ 768.6 მილიონი დოლარის პირდაპირი უცხოური ინვესტიცია მიიღო, რაც წლიურად 34%-ით შემცირებული მაჩვენებელია.

II კვარტალში ქვეყნის ეკონომიკაში შემოსული პირდაპირი უცხოური ინვესტიციების მოცულობამ 574.3 მლნ დოლარი შეადგინა, რაც გასული წლის მხოლოდ აპრილ-ივნისთან შედარებით 10.3%-ით მეტია. საქსტატის წინასწარი მონაცემებით, FDI-ის ზრდა განპირობებული იყო სააქციო კაპიტალის და სავალო ვალდებულებების მაჩვენებლის ზრდით.

მსგავსი სიახლეები

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ. აშლილობის და ალკოჰოლიზმის ბაზას ქმნის

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ.…

საქართველოს მთავრობა ქვეყანაში მართვის მოწმობებისა და იარაღის ლიცენზიის გაცემისთვის ფსიქიკური ჯანმრთელობის, ალკოჰოლიზმის, ნარკომანიის და ტოქსიკომანიის მქონე პირების ერთიანი ბაზის შექმნას გეგმავს.…
ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს კვლევის II ეტაპი?

ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს…

კომუნიკაციების კომისიამ (ComCom), ევროკავშირის ექსპერტებთან ერთად, საქართველოს სატელეკომუნიკაციო ბაზრის კომპლექსური კვლევის მეორე ეტაპი დაიწყო. კომისიის ინფორმაციით, კვლევის ერთ-ერთი მთავარი მიმართულება ფიქსირებულ საცალო ბაზარზე,…
იანვარში ინფლაციური მოლოდინები გაიზარდა – ეროვნული ბანკი

იანვარში ინფლაციური მოლოდინები გაიზარდა – ეროვნული ბანკი

ეროვნული ბანკის ინფორმაციით, იანვარში ინფლაციური მოლოდინები გაიზარდა. ცენტრალურმა ბანკმა ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის იანვრის თვის…