მინისტრის თქმით, მინიმალური ხელფასი კერძო კლინიკებში DRG-სთან ერთად ამოქმედდება

მინისტრის თქმით, მინიმალური ხელფასი კერძო კლინიკებში DRG-სთან ერთად ამოქმედდება

ჯანდაცვის მინისტრი ზურაბ აზარაშვილი აცხადებს, რომ სამედიცინო პერსონალისთვის მინიმალური ხელფასის სტანდარტის დაწესება იყო ის მინიმუმი, რისი გაკეთებაც ამ ეტაპზე სახელმწიფოს შეეძლო.

რაც შეეხება კერძო კლინიკებში მინიმალური ხელფასის დანერგვის საკითხს, მინისტრი ამბობს, რომ მათთვის სავალდებულო, საყოველთაო ჯანდაცვის პროგრამის ფარგლებში, ახალი ტარიფების ამოქმედებების შემდეგ იქნება. 

“აგვისტოდან რესპუბლიკურ საავადმყოფოში გაიზარდა ხელფასი. უფრო სწორად კლინიკებში მინიმალური სახელფასო ანაზღაურების ზრდა მოხდა სამედიცინო პერსონალისთვის. მინიმალური სახელფასო ანაზღაურება გავრცელდა სხვა ჩვენს მართვაში არსებულ კლინიკებშიც. რაც შეეხება ჩვენს მართვაში  მყოფ ამბულატორიებს, საუბარია 17 ამბულატორიაზე, მათ ანაზღაურება მნიშვნელოვნად გაეზარდათ. მაგალითად, ექთნების შემთხვევაში მათი ანაზღაურება გაორმაგებულია. ჩვენი შეფასებით, ამ მომენტითვის ეს არის ის მინიმუმი, რისი გაკეთებაც სამედიცინო პერსონალისთვის შეგვეძლო. კერძო კლინიკების შემთხვევაში, მინიმალურ სახელფასო ანაზღაურებას სავალდებულოდ განვუსაზღვრავთ ძირითადად იმ ნაწილში, რა ნაწილსაც საყოველთაო ჯანდაცვის ფარგლებშიც ვაფინანსებთ. დიახ, ეს მიბმული იქნება იმ ნაწილზე, რა ტარიფებსაც DRG მეთოდოლოგიით [გადავიხდით]”, – აცხადებს აზარაშვილი.

თბილისის რესპუბლიკურ საავადმყოფოში, საპილოტე რეჟიმში, ახალი სახელფასო სისტემა დაინერგა, რომელიც სამედიცინო პერსონალისთვის საათების მიხედვით ანაზღაურების მინიმალურ ზღვარს აწესებს. 

საავადმყოფოს მიერ გავრცელებულ განცხადებაში წერია, რომ ახალი სახელფასო სისტემის მიხედვით, ექიმის მინიმალური ანაზღაურება შეადგენს საათში 9 ლარს, რაც ყოველთვიურად 1 620 ლარია. უმცროსი ექიმის ანაზღაურება საათების მიხედვით 6 ლარია, თვეში კი – 1 080 ლარი; ექთნის – საათში 5,75, თვიურად 1035 ლარი; ექთნის დამხმარის – 3 ლარია, თვეში – 540 ლარი. სანიტრის შემთხვევაში კი ეს თანხა საათში 2,80-ია, შესაბამისად, ყოველთვიურად 504 ლარი.

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…