უზბეკეთის დედაქალაქ ტაშკენტში გრძელდება მსოფლიოს ჩემპიონატი ძიუდოში, რომლის მეოთხე საშეჯიბრო დღეს ტატო გრიგალაშვილი მსოფლიოს ჩემპიონი გახდა

უზბეკეთის დედაქალაქ ტაშკენტში გრძელდება მსოფლიოს ჩემპიონატი ძიუდოში, რომლის მეოთხე საშეჯიბრო დღეს ტატო გრიგალაშვილი მსოფლიოს ჩემპიონი გახდა

81 კგ წონით კატეგორიაში გრიგალაშვილმა ასპარეზობა მეორე წრიდან დაიწყო, სადაც ფრანგი
უმარ ჯალო იპონით დაამარცხა, შემდეგ დომინიკის რესპუბლიკის წარმომადგენელ მედიქსონ
დელ ორბე კორტორეალს აჯობა, ხოლო მეოთხედფინალში მოქმედი ოლიმპიური ჩემპიონი
ტაკანორი ნაგაზე უმძიმეს, 7-წუთიან ბრძოლაში შიდოებით დაამარცხა და ნახევარფინალში
გავიდა, სადაც ასევე სამი გაფრთხილებით საეიდ მოლაეის აჯობა, ფინალში კი ბელგიელ მატიას
კასეს შეხვდა, რომელთანაც მსოფლიოს ჩემპიონატის ფინალში შარშან წააგო და ამჯერად 22
წლის ქართველმა რევანში აიღო და ოქროს მედალს დაეუფლა!
ძალიან დაძაბული შეხვედრა გრიგალაშვილმა დამატებით დროში ულამაზესი გდებით მოიგო და
დამოუკიდებელი საქართველოს ისტორიაში მეექვსე მსოფლიოს ჩემპიონი გახდა (ძიუდოში).
ამრიგად, მას უკვე 22 წლის ასაკში მსოფლიოს ჩემპიონატზე ოქროსა და ვერცხლის მედალი
(შარშან მოიგო) აქვს მოპოვებული, ასევე, ორგზის ევროპის ჩემპიონია.
შეგახსენებთ, მსოფლიოს ჩემპიონატი მეოთხე დღეა მიმდინარეობს და საქართველოს ნაკრებს
პირველი მედალი სწორედ ტატო გრიგალაშვილმა მოუტანა. მანამდე უმედლოდ ლუხუმ
ჩხვიმიანი (60 კგ), ვაჟა მარგველაშვილი (66 კგ), ლაშა შავდათუაშვილი (73 კგ) და ეთერ
ლიპარტელიანი (57 კგ) დარჩნენ. 10 ოქტომბერს, საქართველოს სახელით 90 კგ წონით
კატეგორიაში ლუკა მაისურაძე და ლაშა ბექაური იასპარეზებენ.

მსგავსი სიახლეები

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I კვარტალი)

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I…

2024 წლის პირველი კვარტალის მონაცემებით, თბილისის საერთაშორისო აეროპორტში მგზავრთნაკადი 28%-იან ზრდას, ხოლო ბათუმის საერთაშორისო აეროპორტში – 34%-იან ზრდას აჩვენებს. როგორც თბილისისა…
მარტში ფულადი გზავნილები 36%-ით შემცირდა – ქვეყნები, საიდანაც ყველაზე მეტი თანხა გადმორიცხეს

მარტში ფულადი გზავნილები 36%-ით შემცირდა – ქვეყნები, საიდანაც ყველაზე…

საქართველოს ეროვნული ბანკის მონაცემებით, 2024 წლის მარტში ქვეყანაში შემოსული ფულადი გზავნილების ნაკადების მოცულობამ 278.5 მლნ აშშ დოლარი (746.8 მლნ ლარი) შეადგინა,…
ირაკლი კობახიძე ჩინეთის დელეგაციას შეხვდა – რაზე ისაუბრეს?

ირაკლი კობახიძე ჩინეთის დელეგაციას შეხვდა – რაზე ისაუბრეს?

საქართველოს პრემიერ-მინისტრი ირაკლი კობახიძე ჩინეთის სახალხო რესპუბლიკის დელეგაციას შეხვდა, რომელსაც მმართველი პარტიის საერთაშორისო ურთიერთობების მინისტრის მოადგილე ჩენ ჭოუ ხელმძღვანელობს. მთავრობის ადმინისტრაციის…