მასწავლებლებისა და ადმინისტრატორებისთვის აშშ-ში გაცვლითი პროგრამა გამოცხადდა – საელჩო

მასწავლებლებისა და ზოგადი განათლების ადმინისტრატორებისთვის გაცვლითი პროგრამა გამოცხადდა. ამის შესახებ სოციალურ ქსელში საქართველოში აშშ-ს საელჩო წერს.

პროგრამის Study of the U.S. Institutes (SUSIs) ფარგლებში, აშშ-ში უცხოელი მასწავლებლებისა და ადმინისტრატორებისთვის ხუთკვირიანი ინტენსიური კურსი ჩატარდება. პროგრამა სრულად ფინანსდება აშშ-ის სახელმწიფო დეპარტამენტის საგანმანათლებლო და კულტურული საკითხების ბიუროს (ECA) მიერ.

პროგრამა მოიცავს ხუთკვირიან აკადემიურ სესიას სხვადასხვა ამერიკულ უნივერსიტეტში, მათ შორის მონტანას უნივერსიტეტში (University of Montana), ITD ინსტიტუტში (Massachusetts) და კალიფორნიის სახელმწიფო უნივერსიტეტში ჩიკოში (California State University, Chico). თითოეულ ინსტიტუტს ერთკვირიანი კვლევითი/საექსკურსიო მოდული დაემატება აშშ-ის სხვადასხვა რეგიონში. პროგრამის შინაარსი აერთიანებს America 250 თემებს – ამერიკის ისტორიას, წარმატებებსა და ინოვაციებს.

აკადემიური პროგრამა მოიცავს ლექციებს, პანელურ დისკუსიებს, სემინარებს, თემატურ შეხვედრებს, პრაქტიკოსებთან კომუნიკაციას და კულტურულ აქტივობებს. საბუთების მიღების ბოლო ვადა 4 იანვარია.