ივნისში საქართველოს ექსპორტი გაიზარდა, იმპორტი შემცირდა

საქსტატმა 2024 წლის ივნისის საგარეო ვაჭრობის ამსახველი წინასწარი მონაცემები გამოაქვეყნა. დოკუმენტის თანახმად, გასული თვის განმავლობაში საქართველოდან 582.9 მილიონი დოლარის ღირებულების საქონელი გავიდა ექსპორტზე, რაც წინა წლის ანალოგიურ პერიოდთან შედარებით 5.9%-ით მეტია.

ექსპორტისგან განსხვავებით, ივნისში შემცირდა იმპორტი და ის 1.21 მილიარდ დოლარს შეადგენდა, რაც წინა წლის ანალოგიურ პერიოდთან შედარებით 9.5%-ით, ანუ 128 მილიონი დოლარით ნაკლებია.

2024 წლის პირველ ნახევარში კი საქართველოს ექსპორტი 2.84 მილიარდი დოლარი შეადგინა, რაც წინა წლის ანალოგიურ პერიოდთან შედარებით 6.7%-ით ნაკლებია.

იმპორტი კი მიმდინარე წლის პირველ ნახევარში 0.2%-ით გაიზარდა და მან 7.47 მილიარდი დოლარი შეადგინა.

საქსტატი საგარეო ვაჭრობის დეტალურ ანგარიშს 19 ივლისს გამოაქვეყნებს, საიდანაც გაირკვევა თუ უშუალოდ რომელი საქონლის ექსპორტი გაიზარდა ივნისის განმავლობაში.