ირაკლი კობახიძე ქვეყანაში ჰესების აშენებასთან დაკავშირებულ პრობლემებს NGO-ებს აბრალებს. როგორც მან საზოგადოებრივი მაუწყებლის ეთერში განაცხადა, კონკრეტული დონორი ორგანიზაციები ცდილობენ NGO-ების მეშვეობით, საქართველოში სტრატეგიული ეკონომიკური პროექტები დაბლოკონ.
“ავიღოთ იგივე ჰესების თემა, ჩვენ გვაქვს ინტერესი, რომ ჩვენს სტრატეგიულ მიზანს მივაღწიოთ, რომ 2030 წლისთვის წარმოებამ მოხმარებას გადააჭარბოს. დარწმუნებული ვარ კონკრეტული მიმართულებით გაგრძელდება NGO-ების აქტივობა და იქნება გარედან დაფინანსებული, ყველანაირად ეცდებიან რომ ჩვენ ამ სტრატეგიულ მიზანს ვერ მივაღწიოთ – ენერგეტიკულ დამოუკიდებლობას.
როცა ამ სფეროში დაფინანსება გამჭვირვალე გახდება უკვე ამ ყალბი ნარატივით ვერ შეიფუთება მათი ანტისახელმწიფოებრივი მიზნები.
როცა წარმოვაჩენთ, რომ კონკრეტული დონორი ორგანიზაციები ხელოვნურად ცდილობენ NGO-ების მეშვეობით ამ ქვეყანაში სტრატეგიული ეკონომიკური პროექტების დაბლოკვას და სტრატეგიული მიზნის შესრულებისთვის დაბრკოლების შექმნას, აქ უკვე მათ ძალიან გაუჭირდებათ ასეთი პროექტების დაფინანსება”, – განაცხადა ირაკლი კობახიძემ.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…