მიმდინარე წლის 5 თვეში საქართველომ ოქროს ექსპორტით 41 მილიონ 394 ათასი დოლარის შემოსავალი მიიღო. საუბარია დაუმუშავებელ, ნახევრად დამუშავებული, ან ფხვნილის სახით ოქროს ნაწარმზე.
საქსტატის მონაცემებით, მაჩვენებელი გასული წლის ანალოგიურ პერიოდთან შედარებით, 8.2%-ით გაიზარდა. ამგვარად, ამ დასახელების საქონელმა ქვეყნის უმსხვილესი საექსპორტო საქონლის რეიტინგში 1.8%-იანი წილით მეათე ადგილი დაიკავა.
უნდა აღინიშნოს, რომ გასული წლის იანვარ-მაისში ქვეყანამ 38 მილიონ 242 ათასი დოლარის ღირებულების ოქრო გაყიდა. უნდა აღინიშნოს, რომ ბოლო წლების განმავლობაში 5 თვის ჭრილში ოქროს ექსპორტი მზარდია და ექსპორტის ზრდის დინამიკას სრულად ადგილობრივი წარმოების საქონლის რეალიზება განაპირობებს.
2024 წლის იანვარ-მაისში ოქრო სამ ქვეყანაში გაიყიდა:
1. შვეიცარია – $37.4 მლნ;
2. თურქეთი – $3.5 მლნ;
3. არაბთა გაერთიანებული საამიროები – $459 ათასი.
ბოლო ხუთი წლის განმავლობაში საექსპორტო ქვეყნების რუკაზე ცვლილება შეეხო გერმანიას, რომელიც 2019-2022 წლებში საექსპორტო ქვეყნების ჩამონათვალში იყო.
ენერგეტიკული ბირჟის გახსნის შემდეგ, საქართველოს ანალოგიური პლატფორმის ამოქმედება გაზის სექტორშიც მოუწევს. ეს იმ ვალდებულების ნაწილია, რომელიც საქართველომ ევროპის ენერგეტიკულ გაერთიანებაში გაწევრიანებით…
სახელმწიფო ტაბახმელაში ქონებას ელექტრონულ აუქციონზე 1 225 000 ლარად ყიდის. ქონების ეროვნულმა სააგენტომ სოფელ ტაბახმელაში 5 834 კვ.მ.-ის ფართობის არასასოფლო-სამეურნეო დანიშნულების…
2024 წლის სექტემბერში ქვეყანაში შემოსული ფულადი გზავნილების ნაკადების მოცულობამ 283.4 მლნ აშშ დოლარი შეადგინა, რაც 1.1%-ით (3.0 მლნ აშშ დოლარით) ნაკლებია…