საქართველოში ერთადერთი ქარის ელექტროსადგური “საქართველოს კაპიტალის” კომპანია GRPO-ს საკუთრებაშია.
კომპანიის მიერ გამოქვეყნებული ანგარიშის თანახმად, 2024 წლის განმავლობაში სადგურმა მის წლიურ საპროგნოზო გამომუშავებაზე 84.1 მილიონ კილოვატ საათზე მეტი ელექტროენერგია, 86 მილიონი კილოვატ საათი ენერგია გამოიმუშავა, ხოლო მისმა შემოსავალმა 14.7 მილიონი ლარი შეადგინა.
გორის ქარის ელექტროსადგური EBRD-ის დაფინანსებით ენერგეტიკის სამინისტრომ ააშენა, შემდგომ კი მისი პრივატიზება მოახდინა. სადგური შედგება დანიური კომპანია Vestas-ის მიერ წარმოებული 6 ქარის ტურბინისაგან, რომელთაგან თითოეულის სიმძლავრე 3,45 მეგავატია. ელექტროსადგურის დადგმული სიმძლავრეა 20,7 მეგავატი. წელიწადში გამოიმუშავებს 84,1 მლნ. კვტ·სთ ელექტროენერგიას.
ქარის ელექტროსადგურის პრივატიზება 2019 წელს მოხდა და ის “საქართველოს კაპიტალმა” 14.4 მილიონ დოლარად შეიძინა.
სადგურის აშენება 29.7 მილიონი დოლარი დაჯდა, საიდანაც 22 მილიონი EBRD-ისგან მოზიდულ სესხს წარმოადგენდა. სადგურის შემძენმა, “საქართველოს კაპიტალმა” სადგურის შეძენისას EBRD-ისთვის 17.5 მილიონის სესხის მომსახურების ვალდებულება აიღო.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…