Galt&Taggart-ის პროგნოზით, 2024 წელს საქართველოს ტურიზმის შემოსავლები 4.3 მლრდ აშშ დოლარს მიაღწევს, მაშინ როცა 2023 წელს ტურიზმის შემოსავლებმა 4.1 მლრდ აშშ დოლარი შეადგინა.
„ახლო აღმოსავლეთიდან და აზიიდან ტურისტების რაოდენობის მკვეთრი ზრდა, და ამ ბაზრებზე პირდაპირი ფრენების სიხშირის გაზრდის გეგმები, გვაძლევს საშუალებას, 2024 წლისთვის ტურიზმის შემოსავლების მდგრად ზრდას ველოდოთ“, – წერია Galt&Taggart-ის მიერ გამოქვეყნებულ ტურიზმის სექტორის მიმოხილვაში.
ცნობისთვის, II კვარტალში საქართველომ ტურიზმიდან 1 მილიარდ 91 მილიონი დოლარის შემოსავალი მიიღო, რაც გასული წლის ანალოგიური პერიოდის მაჩვენებელს 8%-ით აღემატება. პანდემიამდელი 2019 წლის მონაცემებთან შედარებით კი ზრდა 24%-ია.
„ზრდაზე დადებითად აისახა ახლო აღმოსავლეთის ბაზრები, განსაკუთრებით ისრაელის, საუდის არაბეთისა და ირანის, ასევე აზიის, თურქეთისა და აზერბაიჯანის ბაზრები. ამის საპირისპიროდ, ზოგიერთმა ტრადიციულმა ბაზრებმა, როგორიცაა რუსეთი, უკრაინა, ევროკავშირი და სომხეთი, უარყოფითი წვლილი შეიტანეს მიმდინარე წლის მეორე კვარტალში“, – აღნიშნულია Galt&Taggart-ის მიმოხილვაში.
შეგახსენებთ, 2024 წლის პირველ კვარტალში, საქართველომ საერთაშორისო ტურიზმიდან 807.7 მილიონი აშშ დოლარისშემოსავალი მიიღო, მათ შორის, ყველაზე მეტი – 171.2 მილიონი დოლარი რუსეთიდან.
2024 წლის 16 სექტემბრიდან სააგენტოს „აწარმოე საქართველოში“ ახალი პროგრამა ამოქმედდა, რომელიც მიკრო და მცირე მეწარმეების მხარდასაჭერად შეიქმნა. არსებული კრიტერიუმების დაკმაყოფილების შემდეგ,…
მიმდინარე წლის იანვარ-აგვისტოში, საქართველოდან აშშ-ში ექსპორტირებულია 900 ათას ლიტრამდე ღვინო, რაც გასული წლის ანალოგიურ მაჩვენებელს 66%-ით აღემატება – აღნიშნული ინფორმაციას ღვინის…
საერთაშორისო ბირჟაზე ოქროს ფასი დღეს რეკორდულ ნიშნულამდე გაიზარდა. უნცია მეტალის ღირებულებამ 2,570 დოლარს მიაღწია, რაც ერთწლიან პერიოდში 35%-ით გაზრდილი მაჩვენებელია. ოქრო…