თებერვალში, ხე-ტყის უკანონო მოპოვების 80 ფაქტი გამოავლინეს – სააგენტო

ეროვნული სატყეო სააგენტოს თანამშრომლებმა, მიმდინარე წლის თებერვლის თვეში სამართალდარღვევის 81 ფაქტი გამოავლინეს.

სააგენტოს ინფორმაციით, აქედან სამართალდარღვევებიდან 80 ფაქტი ხე-ტყის უკანონო მოპოვება და ტრანსპორტირებაა, ხოლო ერთი იმერეთში გამოვლენილია 1 დაურეგისტრირებელი სახერხი საამქრო და უნებართვო სანახშირე.

ჯამში ამოღებულია უკანონოდ მოპოვებული სხვადასხვა სახეობის 110 კუბურ მეტრამდე საშეშე და სამასალე მექრანი, რომელიც სატეო სააგენტოს „საქმიან ეზოებში“ დასაწყობდა. ქვეყნის მასშტაბით, ხე-ტყის უკანონოდ მოპოვების ფაქტებიდან 11 სამართალდარღვევა გამოვლენილია იმერეთის სატყეო სამსახურის თანამშრომლების მიერ, 6 – სამცხე-ჯავახეთის, 6 – რაჭა ლეჩხუმი ქვემო სვანეთის, 11 – ქვემო ქართლის, 31 – კახეთის, მცხეთა-მთიანეთის – 3, გურია – 6, სამეგრელო-ზემო სვანეთის – 5, ხოლო 2 – შიდა ქართლის სატყეო სამსახურის თანამშრომლების მიერ; ასევე,

სამართალდაღვევბიდან სამი ფაქტი შეიცავს სისხლის სამართლის დანაშაულის ნიშნებს, შესაბამისად, მასალები შემდგომი მოკვლევის მიზნით, გადაგზავნილია სამართალდამცავ ორგანოებში.

აღსანიშნავია, რომ, ქვეყნის მასშტაბით, იანვარ-თებერვლის თვეში გამოვლენილია ხე-ტყის უკანონო მოპოვების 109 ფაქტი.