დედაქალაქის მერის, კახა კალაძის განცხადებით, თბილისის სატრანსპორტო კომპანია ავტობუსის მძღოლის პოზიციაზე 400 ვაკანსიას აცხადებს.
როგორც მან მუნიციპალიტეტის მთავრობის სხდომაზე აღნიშნა, ამით 8, 10 და 12-მეტრიანი ავტობუსების მძღოლების ვაკანსიები შეივსება, ხოლო ამჟამად მომუშავე მძღოლები 18-მეტრიან ავტობუსებზე გადანაწილდებიან.
„უკვე შევიძინეთ 160 ერთეული 18-მეტრიანი ავტობუსი, რომლებიც ამჟამად დამზადების პროცესშია. მათი შემოყვანა და სხვადასხვა მარშრუტზე გაშვება 2024 წლის განმავლობაში მოხდება. ამის გათვალისწინებით, თბილისის სატრანსპორტო კომპანიამ დაიწყო აღნიშნული ავტობუსების მართვისთვის საჭირო E კატეგორიის მოწმობის მისაღებად კომპანიაში ამჟამად მომუშავე მძღოლების გადამზადება. მათ ნაცვლად, აუცილებელი გახდება, შეივსოს 8, 10 და 12-მეტრიანი ავტობუსების მძღოლების ვაკანტური ადგილები“, – აღნიშნა კახა კალაძემ.
მისი თქმით, აღნიშნულ ვაკანსიაზე თანამდებობრივი სარგო შეადგენს 2 500 – 3 000 ლარს გამომუშავებით.
„ვისაც სურვილი აქვს დასაქმების, უნდა მიმართოს თბილისის სატრანსპორტო კომპანიას. შესაბამისი გასაუბრებისა და სტაჟირების გავლის შემდეგ, ყველა ადამიანს, განურჩევლად სქესისა, შესაძლებლობა ექნება, დასაქმდეს M3 კატეგორიის ავტობუსის მძღოლის პოზიციაზე. ვაკანსია ცხადდება 400 მძღოლზე. მოცემულ ვაკანსიაზე თანამდებობრივი სარგო შეადგენს 2 500 – 3 000 ლარს გამომუშავებით“, – განაცხადა დედაქალაქის მერმა.
„საქართველოს შემოქმედებითი ინდუსტრიის ასოციაციის“ (ACAG) განცხადებით, სიმართლეს არ შეესებამება ინფორმაცია, რომ პოლიცია და საგამოძიებო სამსახური რამდენიმე სარეკლამო სააგენტოს ამოწმებს. ასოციაციაში აღნიშნავენ, რომ…
“ცირკულარული ეკონომიკის ქსელისა” (CEN) და “ახალი ტექნოლოგიის, ენერგეტიკისა და მდგრადი ეკონომიკური განვითარების ეროვნული სააგენტოს” ახალ კვლევაში ევროკავშირის ხუთი უდიდესი ეკონომიკა განიხილეს…
თითქმის 11 თვიანი პროცესის მიუხედავად, “ნავთობისა და გაზის კორპორაციამ” ინვესტორის მოძიება ვერ შეძლო, შესაბამისად, თბოსადგურ გარდაბანი 3-ის ტენდერი ჩაიშალა. „ნავთობისა და…