ვინ ქმნის ყველაზე მეტ სამუშაო ადგილს – TOP 10 სახელმწიფო კომპანია

სახელმწიფო საწარმოებში დასაქმებულთა რაოდენობა გაიზარდა.  ფინანსთა სამინისტროს მონაცემებით, თუ სახელმწიფო საწარმოთა სექტორში 2021 წლის დეკემბრის თვის მდგომარეობით დასაქმებული იყო 52 597 -მდე ადამიანი,  2022 წლის ბოლოსთვის მათი რაოდენობა 55 230 -მდე გაზარდა.

„ჭარბი დასაქმება რჩება ისტორიულ არაეფექტიანობად, აღნიშნული მეტად გამოკვეთილია ისეთ ქვეყნებში, სადაც არ განხორციელებულა  სახელმწიფო საწარმოთა კორპორატიზაცია,“, – ნათქვამია დოკუმენტში.

აღსანიშნავია, რომ ბოლო 1 წელიწადში 157 მლნ ლარით გაიზარდა სახელმწიფო კომპანიებში სახელფასო ფონდი და 961 მლნ მიაღწია.

ჯამური დასაქმების 57%-მდე მოდის TOP-10 საწარმოზე

• საქართველოს რკინიგზა  12 122 დასაქმებული
• თბილისის სატრანსპორტო კომპანია  6 344  დასაქმებული
• თბილსერვის ჯგუფი  5 189  დასაქმებული
• გაერთიანებული წყალმომარაგების კომპანია 3 009  დასაქმებული
• საქართველოს სამედიცინო ჰოლდინგი 2 779 დასაქმებული
• საქართველოს ფოსტა 1 802 დასაქმებული
• სახელმწიფო ელექტროსისტემა  1 582 დასაქმებული
• საქართველოს მელიორაცია  1 437  დასაქმებული
• რესპუბლიკური საავადმყოფო 1 263  დასაქმებული
• სახელმწიფო კვებითი უზრუნველყოფა  1 193  დასაქმებული

სულ 36720  დასაქმებული

აღსანიშნავია, რომ „საქსტატის“ მონაცემებით, გასულ წელს საქართველოში სულ 1 283 700 კაცი იყო დასაქმებული.