რუსული ნავთობის ფასი მკვეთრად შემცირდა

რუსული ნავთობის ფასი მკვეთრად შემცირდა

საერთაშორისო ენერგეტიკულ ბირჟაზე რუსული ნავთობის გაუფასურების მკვეთრი ტენდენცია ფიქსირდება – ამჟამად ბარელი Urals-ის ფასი 73 დოლარს შეადგენს, რაც ერთ დღეში 4.3%-ით შემცირებული მაჩვენებელია.

რაც შეეხება ერთთვიან პერიოდს, ამ შემთხვევაში ვარდნის მაჩვენებელი 5.8%-ს აღწევს. ბოლო პერიოდში გაიაფების მიუხედავად, უნდა აღინიშნოს, რომ რუსული ნავთობი ბირჟაზე დიდი შვიდეულისა და ევროკავშირის მიერ დაწესებულ საფასო ლიმიტთან შედარებით 13 დოლარით უფრო ძვირად ივაჭრება.

რუსული Urals-ისგან განსხვავებით, მცირედით გაზრდილია Brent-ისა და WTI-ის ფასები. კერძოდ, Brent-ის შემთხვევაში ბარელის ფასი 86 დოლარს აჭარბებს, WTI კი დაახლოებით 84 დოლარად ივაჭრება. ერთკვირიან ჭრილში სანავთობო ბაზარზე 2.5%-იან ზრდას ვხედავთ, რაც ახლო აღმოსავლეთის რეგიონში კონფლიქტის გამწვავებითაა განპირობებული.

ბირჟაზე იზრდება ბუნებრივი აირის ღირებულებაც. ევროკავშირის მასშტაბით გაზის ფასი ერთ კვირაში თითქმის 33%-ითაა გაზრდილი და მეგავატი-საათი ენერგიის ღირებულება ამჟამად 48 ევროს შეადგენს. 

მსგავსი სიახლეები

10 თვეში საქართველოდან აშშ-ში ღვინის ექსპორტი 22.9%-ით 4.9 მლნ დოლარამდე შემცირდა – ღვინის ეროვნული სააგენტო

10 თვეში საქართველოდან აშშ-ში ღვინის ექსპორტი 22.9%-ით 4.9 მლნ…

2025 წლის 10 თვეში საქართველოდან აშშ-ში ღვინის ექსპორტი 22.9%-ით 4.9 მლნ დოლარამდე შემცირდა. შედეგად წელს აშშ-ში 794 607 ლიტრი ღვინო გავიტანეთ.…
საბაჟოზე კონტროლი მკაცრდება

საბაჟოზე კონტროლი მკაცრდება

პარლამენტი დაჩქარებული წესით განიხილავს „საბაჟო კოდექსში“ ცვლილებას, რომელიც ნარკოტიკული და სხვა აკრძალული ნივთიერებების უკანონო გადაადგილების აღკვეთის მექანიზმებს ეხება. “ქართული ოცნების” შინაგან საქმეთა მინისტრის…
ეროვნულმა ბანკმა რეფინანსირების განაკვეთი უცვლელად, 8%-ზე დატოვა

ეროვნულმა ბანკმა რეფინანსირების განაკვეთი უცვლელად, 8%-ზე დატოვა

ეროვნული ბანკის მონეტარული პოლიტიკის კომიტეტმა დღევანდელ სხდომაზე რეფინანსირების განაკვეთის უცვლელად, 8%-ზე დატოვების გადაწყვეტილება მიიღო. სებ-ი მიუთითებს, რომ იმის მიუხედავად, რომ ნოემბერში…