საქართველოში ნავთობისა და გაზის წარმოება გაიზარდა

საქართველოში ნავთობისა და გაზის წარმოება გაიზარდა.

“საქსტატის” მონაცემებით, 2023 წელს 9 თვეში ქვეყანაში ნავთობისა და ნავთობპროდუქტების წარმოებამ 42.3 ათასი ტონას მიაღწია, რაც 2018 წლიდან 9 თვის წარმოების რეკორდული მაჩვენებელია. ზრდაა წლიურ ჭრილშიც. 2022 წლის 9 თვესთან შედარებით, წელს 11 900 ტონით მეტი ნავთობის და ნავთობპროდუქტების წარმოება მოხდა.

ნავთობისა და ნავთობპროდუქტების წარმოება წლების მიხედვით

• 2023 წლის 9 თვე – 42.3 ათასი ტონა
• 2022 წელი – 40.5 ათასი ტონა
• 2021 წელი – 44.6 ათასი ტონა
• 2020 წელი – 35.5 ათასი ტონა
• 2019 წელი – 31.8 ათასი ტონა
• 2018 წელი – 21.3 ათასი ტონა

რაც შეეხება ბუნებრივ გაზს – „საქსტატის“ მონაცემებით, 9 თვის მონაცემებით, შიდა წარმოება 11.6 მლნ კუბ.მეტრი იყო, შარშან ამავე პერიოდში 10.8 მლნ კუბ. მეტრი ბუნებრივი გაზის წარმოება მოხდა.

ბუნებრივი გაზის წარმოება წლების მიხედვით

• 2023 წლის 9 თვე – 11.6 მლნ კუბ.მ
• 2022 წელი – 13.7 მლნ კუბ.მ
• 2021 წელი – 14.9 მლნ კუბ.მ
• 2020 წელი – 8.2 მლნ კუბ.მ
• 2019 წელი – 8.9 მლნ კუბ.მ
• 2018 წელი – 9.1 მლნ კუბ.მ

აღსანიშნავია, რომ როგორც ნავთობის და ნავთობპროდუქტების, ასევე ბუნებრივი გაზის კუთხით საქართველო იმპორტზეა დამოკიდებული.