დეკემბერში ფულადი გზავნილები 42%-ით შემცირდა – რომელი ქვეყნებიდან გადმორიცხეს ყველაზე მეტი თანხა?

2023 წლის დეკემბერში ქვეყანაში შემოსული ფულადი გზავნილების ნაკადების მოცულობამ 308.3 მლნ აშშ დოლარი (828.1 მლნ ლარი) შეადგინა, რაც 42.4%-ით (227.0 მლნ აშშ დოლარით) ნაკლებია 2022 წლის დეკემბრის ანალოგიურ მაჩვენებელზე. ეროვნული ბანკის მონაცემებით, გზავნილების კლება პირველ რიგში რუსეთის ფედერაციიდან ფულადი შემოდინებების 78%-იან ვარდნას უკავშირდება. თანხობრივად დეკემბერში რუსეთიდან გადმორიცხვების შემცირება 250 მილიონი დოლარია.

სანაცვლოდ, გაზრდილია გზავნილები იტალიიდან, საბერძნეთიდან თურქეთიდან და სხვა ქვეყნებიდან, საიდანაც ფულადი შემოდინებები ძირითადად უცხოეთში დასაქმებული ქართველი მიგრანტების გადმორიცხვებს წარმოადგენს.

20 ქვეყანა, საიდანაც 2023 წლის დეკემბერში საქართველოში ყველაზე მეტი თანხა გადმორიცხეს:

1) რუსეთის ფედერაცია – $71 მილიონი, კლება წინა წელთან -78%;
2) იტალია – $50 მილიონი, ზრდა წინა წელთან 15%;
3) აშშ – $46 მილიონი, ზრდა წინა წელთან 35%;
4) საბერძნეთი – $23 მილიონი, ზრდა წინა წელთან 10%;
5) გერმანია – $22 მილიონი, ზრდა წინა წელთან 27%;
6) ისრაელი – $21 მილიონი, ზრდა წინა წელთან 10%;
7) ყაზახეთი – $15 მილიონი, ზრდა წინა წელთან 15%;
8) თურქეთი – $8 მილიონი, კლება წინა წელთან -13%;
9) ესპანეთი – $6 მილიონი, ზრდა წინა წელთან 13%;
10) საფრანგეთი – $5 მილიონი, ზრდა წინა წელთან 12%;
11) ირლანდია – $5 მილიონი, ზრდა წინა წელთან 63%;
12) აზერბაიჯანი – $4 მილიონი, კლება წინა წელთან -11%;
13) გაერთიანებული სამეფო $3.2 მილიონი, კლება წინა წელთან -19%;
14) პოლონეთი – $2.8 მილიონი, ზრდა წინა წელთან 16%;
15) კანადა – $2.5 მილიონი, ზრდა წინა წელთან 19%;
16) ყირგიზეთი – $2.4 მილიონი, კლება წინა წელთან -78%;
17) არაბთა გაერთიანებული საამიროები $1.8 მილიონი, ზრდა წინა წელთან 22%;
18) კვიპროსი – $1.8 მილიონი, ზრდა წინა წელთან 8%;
19) სომხეთი – $1.6 მილიონი, კლება წინა წელთან -22%;
20) ნიდერლანდები – $1.5 მილიონი, ზრდა წინა წელთან 15%;