საქართველოს მიერ კანდიდატის სტატუსის მიღებას რეგიონზე ობიექტური გავლენა აქვს – ფაშინიანი
- საზოგადოება
- თებერვალი 8, 2024
- 228
“თუ ადრე ჩვენ ვამბობდით, სად ევროკავშირი და სად ჩვენი რეგიონი, ახლა ევროკავშირი, ფაქტობრივად, ჩვენი რეგიონია”, – ამის შესახებ სომხეთის პრემიერ-მინისტრმა პარლამენტში გამოსვლისას განაცხადა. ნიკოლ ფაშინიანის თქმით, საქართველოს მიერ ევროკავშირის წევრობის კანდიდატის სტატუსის მიღებას რეგიონზე ობიექტური გავლენა აქვს.
“ჩვენი ურთიერთობა არცერთ სუბიექტთან აღარ არის ისეთი, როგორიც ადრე. შეიცვალა ჩვენი რეგიონიც, შეიცვალა მნიშვნელოვანი რეალობები. ერთ-ერთი ასეთი რეალობაა საქართველოს მიერ ევროკავშირის წევრობის კანდიდატის სტატუსის მიღება, რასაც რეგიონზე ობიექტური გავლენა აქვს . ჩვენს ორ მეზობელს ევროკავშირის წევრობის კანდიდატის სტატუსი აქვს. თუ ადრე ვამბობდით, სად ევროკავშირი და სად ჩვენი რეგიონი, ახლა ევროკავშირი, ფაქტობრივად, ჩვენი რეგიონია. ამ მხრივ დიდ მნიშვნელობას ვანიჭებ საქართველოსთან სტრატეგიული დიალოგის დაწყებას”, – განაცხადა ფაშინიანმა.
ცნობისთვის, საქართველოსა და სომხეთს შორის სტრატეგიული პარტნიორობის შესახებ შეთანხმება 26 იანვარს გაფორმდა.
