ხვალ, თბილისში საქართველოს ბიზნესასოციაციის კონფერენცია გაიმართება, რომელსაც მთავრობის წარმომადგენლები, მათ შორის პრემიერ-მინისტრიც დაესწრება. ამის შესახებ ბიზნესასოციაციის აღმასრულებელმა დირექტორმა, ლევან ვეფხვაძემ გადაცემა “საქმიან დილაში” განაცხადა.
„ხვალ გვაქვს დიდი ღონისძიება, სადაც ყველა მსხვილი კომპანია იქნება წარმოდგენილი, იქნება მთავრობა, პრემიერი. იქ ბიზნესასოციაცია წარმოადგენს BAG ინდექსის ბოლო ოთხი წლის ტრენდებს, ასევე Galt&Taggart-ი წარმოადგენს მაკროეკონომიკურ ანგარიშს“, – აღნიშნა ლევან ვეფხვაძემ.
როგორც დაგეგმილია, კონფერენციაზე საქართველოს ეკონომიკისა და სწრაფად მზარდი სექტორების პერსპექტივებს განიხილავენ.
დღის წესრიგით გათვალისწინებულია პანელური დისკუსია მაკროეკონომიკური მდგომარეობისა და პერსპექტივების შესახებ, რომელშიც მთავრობის წევრები და ბიზნესის წარმომადგენლებიც მიიღებენ მონაწილეობას.
კონფერენციის ფარგლებში, ასევე, ბიზნეს ასოციაცია BAG ინდექსის 2019-2023 წლის შედეგებს, ბიზნესის განწყობებსა და მოლოდინებს წარადგენს.
RENTALS & Eristavi Estates-ის მმართველი პარტნიორი ზურაბ ერისთავი საინვესტიციო ბანკ Galt & Taggart-ის მიმოხილვაში გამოკვეთილ აქცენტებს ეთახმება, რომლის მიხედვით, უძრავი ქონების…
წლის ბოლოს ევროკავშირი გადაწყვეტს, გადადგამს თუ არა საქართველო შემდეგ ნაბიჯს მისი წევრობისკენ. ეს შესაძლებლობა არსებობს სწორედ ახლა. არ გაუშვათ ის ხელიდან. ჩვენი…
„ნაბეღლავი“ უკვე კორეაშიც გაიყიდება, – ამის შესახებ “წყალი მარგებელის” სტრატეგიული განვითარების მენეჯერმა, თინა მახარაძემ გადაცემა რედაქტ2-ში სტუმრობისას განაცხადა. „ზოგადად, კომპანია იზრდება…