სახელმწიფო შესყიდვების სააგენტოს თავმჯდომარე, ლევან რაზმაძე ამბობს, რომ შესყიდვების შესახებ ახალი კანონით შავი სია მკაცრდება.
BMG-ის კითხვაზე, რამდენად პრობლემატურია, რომ შესყიდვების სააგენტოს შავ სიაში მოხვედრას კომპანიები სასამართლოში ასაჩივრებენ და თეთრ სიაში ინაცვლებენ, ასევე იგეგმება თუ არა სიახლე ამ მიმართულებით, ლევან რაზმაძე განმარტავს, რომ მიდგომა გამკაცრდება და შედეგად, შავ სიაში მოხვედრილი კომპანიის დამფუძნებელს ახალი კომპანიის დაფუძნება აღარ შეეძლება.
რაც შეეხება სასამართლოს გადაწყვეტილებებს, ლევან რაზმაძის თქმით, საკითხზე კომუნიკაცია იყო.
„რაც შეეხება ახალ კანონმდებლობას. მინდა გითხრათ, რომ შავ სიას უფრო ვამკაცრებთ, რაც მდგომარეობს იმაში, რომ აქამდე თუ დამფუძნებელს კიდევ შეეძლო კომპანიის დაფუძნება და მუშაობის გაგრძელება, ახლა აღარ შეეძლება და კვალდაკვალ მივყვებით მის ქმედებას.
რაც შეეხება გასაჩივრებების თემას, ჩვენ სასამართლოებთან გვაქვს ინტენსიური შეხვედრები და ვუხსნით, რომ გასაჩივრების შემთხვევაში და იმ შემთხვევაში, თუ კომპანია არასამართლიანად ოპერირებს ისევ ბაზარზე შავი სიის მიუხედავად, აუცილებელია, რომ უფრო მეტი ჩაკითხვა იყოს საქმის განხილვის პერიოდში და გადაწყვეტილებები იყოს უფრო სკრუპულოზურად მიღებული. თუმცა ჩვენ მოსამართლეების გადაწყვეტილებებში ვერ ჩავერევით“,- თქვა ლევან რაზმაძემ.
შესყიდვების შესახებ ახალი კანონი საქართველოს პარლამენტმა 2023 წლის თებერვალში მიიღო და მისი ამოქმედება ეტაპობრივად, 2025 წლის 1 იანვრიდან დაიწყება.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…