ბათუმის მერი, არჩილ ჩიქოვანი ამბობს, რომ მიმდინარე წლის პირველ კვარტალში, გასული წლის ანალოგიურ პერიოდთან შედარებით, აჭარაში ტურისტების რაოდენობა 10%-ზე მეტად გაიზარდა.
როგორც მან ადგილობრივი ეკონომიკური განვითარების ფორუმზე ჟურნალისტებს განუცხადა, მომდევნო წლისთვის აჭარა 6 მილიონზე მეტი ტურისტის მიღებას ელის, საიდანაც 80%-ზე მეტი ბათუმის ვიზიტორი იქნება.
მისივე თქმით, წლევანდელ სეზონს ბათუმი ბევრი სიახლით ხვდება.
“ძალიან მნიშვნელოვანი ინფრასტრუქტურული ღონისძიება განხორციელდა სერვისების განვითარების კუთხით. აჭარაში და კონკრეტულად ბათუმში გვაქვს ძალიან ბევრი სიახლე. მხოლოდ გუშინ რამდენიმე ატრაქცია და ობიექტი გავხსენით, რომელიც მნიშვნელოვანი იქნება ამ მიმართულებით.
მნიშვნელოვანია, რომ ტურიზმის მიმართულებით გვაქვს ზრდა 2023 წელთან შედარებით, ასევე 2019 წელთან შედარებით. შეიქმნა ახალი განთავსების ადგილები, ახალი გასართობი, რეკრეაციული, შემეცნებითი სივრცეები, სკვერები, პარკები და ველოდებით ტურისტული სეზონის გახსნას.
როგორც გუშინ აჭარის მთავრობის თავმჯდომარემ განაცხადა, უკვე 2025 წლისთვის 6 მლნ ტურისტის მასპინძლობისთვის ვემზადებით. შარშან 4.6 მლნ-ზე მეტ ტურისტს ვუმასპინძლეთ და ეს მოლოდინები რა თქმა უნდა, რეალისტურია ჩვენი ინფრასტრუქტურით, იმ დატვირთულობით, რაც ბოლო პერიოდში აქვს აჭარას, მზარდი წარმატებებით და აღიარებებით, რაც აქვს ბათუმს“,- განაცხადა ბათუმის მერმა.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…