ქართული კომპანია E60 Shipping Line-ი ფოთი-კონსტანცას ხაზზე საბორნე მიმოსვლას სექტემბრიდან აფართოებს.
როგორც კომპანიის დირექტორმა, შალვა წაქაძემ bm.ge-სთან განაცხადა, გაფართოების გადაწყვეტილება გადაზიდვებზე არსებული გაზრდილი მოთხოვნის ფონზე მიიღეს.
“ჩვენ, ამ ხაზზე ახალი გემი ჯერ არ დაგვიმატებია. ერთი გემი გვყავდა, რომელსაც საიჯარო ვადა გაუვიდა და ახლა, ჩავანაცვლეთ სხვა, მეორე გემით. პარალელურად, ვმუშაობთ მეორე გემის შეძენაზე. ეს სამუშაოები დამთავრდება ზაფხულის განმავლობაში და სექტემბრიდან ახალი გემით დავიწყებთ ოპერირებას.
საქართველოდან მოთხოვნა და შესაბამისად დატვირთულობა 80%-ის ფარგლებშია. ხოლო რუმინეთიდან 100%-ია დატვირთულობა. მოთხოვნა კი, ბევრად მეტია. მნიშვნელოვანი სიახლეა, რომ ქართული კომპანია მეორე გემს შეიძენს”, – განაცხადა წაქაძემ bm.ge-სთან.
ამასთან, E60 Shipping Line-ი უახლოეს თვეებში გეგმავს, რომ საქართველოდან რუმინეთს შორის რეგულარული საბორნე სამგზავრო გადაყვანებიც დაიწყოს, რის შესახებაც დეტალები უახლოეს პერიოდში გახდება ცნობილი.
ცნობისთვის, საქართველო-რუმინეთს შორის კომპანია E60 Shipping Line-მა საბორნე გადაზიდვები გასული წლის ივნისში დაიწყო.
“2025 წელს საქართველო უმასპინძლებს ევროპის ზამთრის ოლიმპიურ ფესტივალს, რისთვისაც ბაკურიანში შენდება ბიატლონის ინფრასტრუქტურა, ხოლო თბილისში – ყინულის სასახლე. პროექტირებისა და სამუშაოების…
ხელისუფლებას აქვს გააზრებული ლიბერალური ეკონომიკური პოლიტიკა, რაც ხელს უწყობს ბიზნესის განვითარებას და ასევე, შექმნილია სტაბილური გარემო ეკონომიკის განვითარებისთვის და ბიზნესის კეთებისთვის…
“ნებისმიერ დროს მზად ვართ ბიზნესთან ურთიერთობისთვის”, – ამის შესახებ პრემიერ-მინისტრმა, ირაკლი კობახიძემ საქართველოს ბიზნესასოციაციის კონფერენციაზე „საქართველოს ეკონომიკისა და სწრაფად მზარდი სექტორების…