კოჭა, ზაფრანა, დაფნის ფოთოლი – საქართველოდან სანელებლების ექსპორტი რეკორდულ ნიშნულზეა

საქართველოდან სანელებლების ექსპორტი რეკორდულ ნიშნულზეა. წელს 5 თვეში ქვეყნიდან მსოფლიოს ბაზრებზე 20.164 ათასი დოლარის სანელებლების გაიყიდა, მაშინ როდესაც გასულ 2023 წელს, ჯამში 18.7 მლნ დოლარის პროდუქცია იყო ექსპორტირებული.

ბოლო წლებში სანელებლების ექსპორტი ზრდის ტენდენციას აჩვენებს, თუ 2020 -22 წლებში ექსპორტზე მხოლოდ 11-12 მლნ დოლარის სანელებლები გადიოდა, ეს მაჩვენებელი 2023 წელს 19 მილიონამდე გაიზარდა. წელს 5 თვეში კი, ექსპორტი 180%-ით არის გაზრდილი.

სანელებლების ექსპორტში ასეთი მკვეთრი ზრდა ჩინეთში ექსპორტის ზრდას უკავშირდება. მთავარი საექსპორტო ბაზარი ამ პროდუქციისთვის სწორედ ჩინეთია, სადაც წელს უკვე 15.777 მლნ დოლარის პროდუქცია გავიდა.

სანელებლების საექსპორტო ბაზრები / 2024 წლის 5 თვე

• ჩინეთი 15.777 მლნ დოლარი
• რუსეთი – 2.950 მლნ დოლარი
• უკრაინა – 0.497 მლნ დოლარი
• თურქეთი – 0.267 მლნ დოლარი
• ყაზახეთი – 0.196 მლნ დოლარი

წყარო: საქსტატი

bm.ge