რუსეთის ცენტრალურმა ბანკმა რეფინანსირების განაკვეთი გაზარდა

რუსეთის ცენტრალურმა ბანკმა მონეტარული პოლიტიკის გამკაცრების და რეფინანსირების განაკვეთის 100 საბაზო პუნქტით გაზრდის გადაწყვეტილება მიიღო. ცვლილების შედეგად, ქვეყანაში რეფინანსირების განაკვეთმა 19%-იან ნიშნულს მიაღწია.

შეგახსენებთ, რომ 2023 წლის ივლისამდე რეფინანსირების განაკვეთი 7.5% იყო, თუმცა მას შემდეგ ეროვნული ბანკი გამკაცრების პოლიტიკაზე გადაერთო.

რეფინანსირების განაკვეთის გაზრდის მიზეზი სამომხმარებლო ფასების არასტაბილურობაა, მოგეხსენებათ, ქვეყანაში ისევ დიდ გამოწვევად რჩება ინფლაცია, რომელიც წლიურად 6-7%-ის ფარგლებში მერყეობს.

პრეზიდენტ ვლადიმირ პუტინის განცხადებით, მაღალი ინფლაციისა და ვალუტის კურსის მერყეობის გამო, რუსულ კომპანიებს ბიზნესგეგმის შედგენა და სამომავლო პროგნოზების გაკეთება უჭირთ, რაც ქვეყნის ეკონომიკაზე ნეგატიურ ზეგავლენას ახდენს.