რომელ კომპანიებს შემოაქვთ საქართველოში ყველაზე დიდი ოდენობით ნავთობი და ნავთობპროდუქტები რუსეთიდან?

8 თვეში საქართველომ რუსეთიდან 365 მილიონი აშშ დოლარის 477 ათასი ტონა ნავთობი და ნავთობპროდუქტები იყიდა.

მიუხედავად იმისა, რომ 1-ელ მარტს რუსეთის მიერ ბენზინის ექსპორტზე დაწესებული შეზღუდვა საქართველოზეც ვრცელდებოდა, რუსეთი კვლავ რჩება ნავთობის ნომერ პირველ იმპორტიორად საქართველოში 41% წილით. თუმცა მიუხედავად იმისა, რომ ნავთობის შესყიდვა საქართველომ 23%-ით გაზარდა, რუსული ნავთობპროდუქტების შემცირება გასული წლის ანალოგიურ პერიოდთან შედარებით 16%-ია.

2024 წლის რვა თვეში საქართველომ უცხოეთიდან 881 მილიონი დოლარის ღირებულების 1.04 მილიონი ტონა ნავთობი შეიძინა. აკრძალვა კი ქართულ ბაზარზე ამგვარად აისახა, რომ გაზრდილია იმპორტი ბულგარეთიდან, აზერბაიჯანიდან და თურქეთიდან, რის შედეგადაც ნავთობის მოწოდების ბაზარი წელს უფრო დივერსიფიცირებული გახდა.

bm.ge დაინტერესდა, რომელ კომპანიებს შემოაქვთ საქართველოში რუსეთიდან ყველაზე მეტი ნავთობი და ნავთობის პროდუქტები.

სტატისტიკის ეროვნული სამსახურიდან მიღებული ინფორმაციის თანახმად, 8 თვეში რუსეთიდან ნავთოპროდუქტების TOP-5 კომპანიის ჩამონათვალი ასეთია:

• შპს ლუკოილჯორჯია;
• შპს რეპსოლი;
• შპს ვისოლ პეტროლიუმ ჯორჯია;
• შპს სან პეტროლიუმ ჯორჯია;
• შპს ჯორჯიან ეარვეისი.

ცნობისთვის, საქსტატი ჩამონათვალს შემთხვევითობის პრინციპით ალაგებს.

bm.ge