საქართველომ მინერალური წყლის ექსპორტით $163.7 მლნ-ის შემოსავალი მიიღო – TOP-10 საექსპორტო ქვეყანა

მინერალური და მტკნარი წლები საქართველოსთვის ერთ-ერთი მთავარი საექსპორტო საქონელია. 2024 წლის მონაცემებით, ქვეყნიდან წყლის ექსპორტი გაიზარდა და რეკორდულ მაჩვენებელს მიაღწია. შედეგად, გასულ წელს საქართველომ მსოფლიოს სხვადასხვა ქვეყანაში მინერალური წყლის გაყიდვით 163 მილიონ 782 ათასი დოლარის შემოსავალი მიიღო, რაც წლიურად 24.5%-ით გაზრდილი მაჩვენებელია. გასულ წელს ჯამურად ქვეყნიდან 254 207 940 ლიტრი წყალი გავიდა, რაც 2023 წლის მოცულობებს 23.8%-ით აღემატება.

ამგვარად, მინერალურმა და მტკნარმა წყალმა უმსხვილესი საექსპორტო საქონლის რეიტინგში 2.5%-იანი წილით მეექვსე ადგილი დაიკავა. ეს ის პროდუქტია, რომელიც ქვეყნისთვის ადგილობრივად იწარმოება და სრულად ადგილობრივ ექსპორტში გადის.

წინა წლების მსგავსად მინერალური და მტკნარი წყლის მთავარი გასაყიდი ბაზარი, 2024 წელსაც რუსეთია. ამ მიმართულებით პროდუქტის ექსპორტი 24.3%-ით 76 მილიონ 920 ათასი დოლარამდე გაიზარდა. გაყიდული წლის მოცულობა კი 112.3 მილიონი ლიტრიდან 141.3 მილიონ ლიტრამდე გაიზარდა. უმსხვილეს საექსპორტო ბაზრებს შორის ძირითადად პოსტსაბჭოთა ქვეყნებს ვხვდებით, ათეულში ასევე გერმანია, აშშ და ისრაელი არიან.

მინერალური და მტკნარი წყლების TOP-10 საექსპორტო ქვეყანა:

1. რუსეთი – $76.9 მლნ, 141.3 მლნ ლიტრი;
2. ყაზახეთი – $30.1 მლნ, 38.8 მლნ ლიტრი;
3. უკრაინა – $18.9 მლნ, 24.1 მლნ ლიტრი;
4. ლიეტუვა – $8.9 მლნ, 12.6 მლნ ლიტრი;
5. უზბეკეთი – $8.2 მლნ, 9.5 მლნ ლიტრი;
6. მოლდოვა – $2.9 მლნ, 2.7 მლნ ლიტრი;
7. გერმანია – $2.7 მლნ, 2.1 მლნ ლიტრი;
8. ბელარუსი – $2.1 მლნ, 4.7 მლნ ლიტრი;
9. აშშ – $1.7 მლნ, 3 მლნ ლიტრი;
10. ისრაელი – $1.6 მლნ, 2 მლნ ლიტრი;

ამ ქვეყნების გარდა მინერალური და მტკნარი წყლების ექსპორტი ყირგიზეთში, აზერბაიჯანში, ლატვიაში, ტაჯიკეთში, თურქმენეთში, კანადაში, თურქეთში, გაერთიანებულ სამეფოში, ჩინეთში, კვიპროსში, სომხეთსა და სხვა ქვეყნებში გადის.

ბიემჯი