The Heritage Foundation-მა გამოაქვეყნა 2025 წლის ეკონომიკური თავისუფლების ინდექსი, რომელიც ბიზნესის თავისუფლების, ეკონომიკური პოლიტიკის, გადასახადების დონის, ბიუროკრატიული ეფექტიანობის, საკუთრების უფლებების დაცულობის, ფინანსური, საინვესტიციო და ვაჭრობის თავისუფლების მიხედვით აფასებს ქვეყნებს. 2025 წლის ანგარიშში საქართველოს შეფასება გაუმჯობესებულია და 0.6 ქულით და ის 69-ს შეადგენს. ამ მაჩვენებლით საქართველო მსოფლიოში ეკონომიკური თავისუფლებით 35-ე ადგილს იკავებს.
ამის მიუხედავად, საქართველოს შეფასება უფრო დაბალია ვიდრე 2021 წელს იყო, რადგანაც ამ წელს საქართველოს 76 ქულა ჰქონდა, რითაც მსოფლიოში მეთორმეტე ადგილს იკავებდა. ბოლო რამდენიმე წელში საქართველოს პოზიციების გაუარესება გამოწვეულია საკუთრების უფლებების მიმართულებით არსებული ვითარების უკუსვლით, ასევე სასამართლო ეფექტიანობის გაუარესებით, მმართველობის ხარისხის გაუარესებით, ფისკალური სიჯანსაღის შემცირებით, ბიზნესის თავისუფლების შემცირებით, ფინანსური თავისუფლების შემცირებით და მონეტარული თავისუფლების შემცირებით.
ამ ინდექსში საქართველოს შეფასება 2012-2022 წლებში ყოველწლიურად 70 ქულაზე მაღალი იყო, თუმცა 2023 წლიდან ის 70 ქულაზე ნაკლებია.
გერმანიაში, ქალაქ დუსელდორფში მსოფლიოში ერთ-ერთ ყველაზე მასშტაბურ ღვინისა და ალკოჰოლიანი სასმელების საერთაშორისო გამოფენაში ProWein Dusseldorf ქართული ღვინის მწარმოებელი 24 კომპანია მონაწილეობდა.…
რუსეთიდან სომხეთში, საქართველოს გავლით ბუნებრივი აირის მიწოდება დროებით შეჩერებულია. ინფორმაცია „გაზპრომ სომხეთის“ ვებგვერდზე გამოქვეყნდა. კომპანიის ინფორმაციით, გაზის მიწოდების შეჩერების მიზეზი საქართველოს…