აპრილში, იმ ადამიანების რაოდენობა, რომლებიც 9 600 ლარს ან მეტ თვიურ ხელფასს იღებდნენ გაიზარდა – დასაქმების თრექერი
- ეკონომიკა
- მაისი 28, 2025
- 179
PMCG კვლევითი ცენტრის დასაქმების თრექერის მიხედვით, 2025 წლის აპრილში,იმ ადამიანების რაოდენობა, რომლებიც 9 600 ლარს ან მეტ თვიურ ხელფასს იღებდნენ გაიზარდა.
კერძოდ, ასეთი ადამიანების რაოდენობა აპრილში 3.1%-ს შეადგენდა, რაც 2024 წლის შესაბამის პერიოდთან შედარებით, 0.7 პროცენტული პუნქტით, ხოლო 2023 წლის შესაბამის პერიოდთან შედარებით, 1.2 პროცენტული პუნქტით გაზრდილი მაჩვენებელია.
ასევე, დოკუმენტში წერია, რომ 2025 წლის აპრილში იმ ადამიანების რაოდენობა, რომლებიც 0- დან 600 ლარამდე თვიურ ხელფასს იღებდნენ, 12.9%-ს შეადგენდა. ეს მაჩვენებელი კი 2024 წლის შესაბამის პერიოდთან შედარებით, 2.2 პროცენტული პუნქტით, ხოლო 2023 წლის შესაბამის პერიოდთან შედარებით, 6.1 პროცენტული პუნქტით შემცირებული მაჩვენებელია.
დასაქმების თრექერის მიხედვით, 2025 წლის აპრილში, ასევე გაზრდილია იმ ადამიანების რაოდენობაც, რომლებიც 2 400 ლარს ან მეტ თვიურ ხელფასს იღებდნენ.
