გლობალურ ბირჟაზე შაქრის ფასი შემცირდა

საერთაშორისო სასაქონლო ბირჟაზე შაქრის ფასი ეცემა. ამჟამინდელი მონაცემებით, ერთწლიან პერიოდში ვარდნა 16%-ია.

ბოლო პერიოდში საერთაშორისო ბირჟაზე შაქრის გაიაფება მიწოდების დასტაბილურებასთან და გლობალური დეფიციტის შემსუბუქებასთან არის დაკავშირებული.

შაქრის საერთაშორისო ორგანიზაციის (ISO) შეფასებით, 2025 წლის დეფიციტის მაჩვენებელი წინა პროგნოზთან შედარებით 30%-ით ნაკლები იქნება, რაც, საბოლოო ჯამში, ფასების შემცირებას უწყობს ხელს.