საქართველოს საგარეო ვალი $9.27 მილიარდამდე გაიზარდა – ვისი ვალი გვაქვს?
- ეკონომიკა
- ოქტომბერი 17, 2025
- 130
ფინანსთა სამინისტრომ 2025 წლის სექტემბრის მდგომარეობით სახელმწიფო ვალის ნაშთის სტატისტიკა გამოაქვეყნა, რომლის მიხედვითაც საქართველოს საგარეო ვალი გასული თვის განმავლობაში 178 მილიონი დოლარით 9.27 მილიარდ დოლარამდე გაიზარდა. ვალის სტატისტიკის თანახმად, ვალის ნაშთის მატება ძირითადად მსოფლიო ბანკის მიმართ არსებული კრედიტების 115.8 მილიონი დოლარით 2.3 მილიარდ დოლარამდე ზრდას უკავშირდება. ფინანსთა სამინისტროს მონაცემებით, საქართველოს ყველაზე დიდი – 2.48 მილიარდი დოლარის ვალი აზიის განვითარების ბანკის წინაშე აქვს.
2025 წლის სექტემბრის მდგომარეობით საქართველოს სახელმწიფო ვალი ასე ნაწილდება:
| ქვეყანა/ორგანიზაცია | საგარეო ვალის ნაშთი 2025 წლის სექტემბრის მდგომარეობით | ცვლილება – ზრდა/კლება წინა თვესთან შედარებით |
| აზიის განვითარების ბანკი (ADB) | $2,486 მილიონი დოლარი; | $34 მილიონი დოლარი; |
| მსოფლიო ბანკი | $2,301 მილიონი დოლარი; | $116 მილიონი დოლარი; |
| ევროპის საინვესტიციო ბანკი (EIB) | $1,198 მილიონი დოლარი; | $5 მილიონი დოლარი; |
| საფრანგეთი | $851 მილიონი დოლარი; | $0 მილიონი დოლარი; |
| გერმანია | $599 მილიონი დოლარი; | $4 მილიონი დოლარი; |
| ევრობონდი | $500 მილიონი დოლარი; | $0 მილიონი დოლარი; |
| IMF-ის მიმართ ეროვნული ბანკის ვალი | $340 მილიონი დოლარი; | $1 მილიონი დოლარი; |
| აზიის ინფრასტრუქტურის საინვესტიციო ბანკი (AIIB) | $244 მილიონი დოლარი; | $18 მილიონი დოლარი; |
| ევროპის რეკონსტრუქციისა და განვითარების ბანკი (EBRD) | $225 მილიონი დოლარი; | $2 მილიონი დოლარი; |
| მთავრობის ვალი IMF-ის მიმართ | $168 მილიონი დოლარი; | $0 მილიონი დოლარი; |
| ევროკავშირი (EU) | $156 მილიონი დოლარი; | $1 მილიონი დოლარი; |
