“საქართველოში უმაღლესი განათლების მქონე პირებში უმუშევრობის დონე 11%-ია – Galt&Taggart-ი

“საქართველოში უმაღლესი განათლების მქონე პირებში უმუშევრობის დონე 11%-ს შეადგენს”, – ამის შესახებ Galt&Taggart-ის მიერ მომზადებულ განათლების სექტორის მიმოხივლაშია აღნიშნული.

როგორც მიმოხილვაში წერია, საქართველო გამოირჩევა ბიზნესის, სამართლისა და სოციალური მეცნიერებების მიმართულებებზე სტუდენტების უჩვეულოდ მაღალი წილით, ხოლო განათლების, პროფესიული და ტექნიკური მიმართულებების სტუდენტების წილი მნიშვნელოვნად დაბალია.

საინვესტიციო ბანკი წერს, რომ აღნიშნული შეუსაბამობა დასაქმების მაჩვენებლებზეც აისახება – საქართველოში უმაღლესი განათლების მქონე პირებში უმუშევრობის დონე 11%-ს შეადგენს, მაშინ, როცა OECD-ის საშუალო მაჩვენებელი 4.8%-ია. ამასთან, მიმოხილვაში წერია რომ საქართველოში უცხოელი სტუდენტების ზრდა ძირითადად ინდოეთიდან სტუდენტების შემოდინებამ განაპირობა.

2025 წლის მდგომარეობით, ინდოელი სტუდენტები უცხოელი სტუდენტების საერთო რაოდენობის 53.8%-ს ქმნიან, რომელთა უდიდესი ნაწილი ჯანდაცვის მიმართულებით სწავლობს.