გივი მიქანაძე ოფიციალური ვიზიტით თურქმენეთში გაემგზავრა

საქართველოს განათლების, მეცნიერებისა და ახალგაზრდობის მინისტრი გივი მიქანაძე ოფიციალური ვიზიტით თურქმენეთში გაემგზავრა.

სამინისტროს მიერ გავრცელებული ინფორმაციით, გივი მიქანაძე ორმხრივ შეხვედრებს გამართავს მინისტრთა კაბინეტის თავმჯდომარის მოადგილე ბატირ მამედოვთან და განათლების მინისტრ
ჯუმამირატ გურბანგელდიევთან.

“ვიზიტის ფარგლებში მინისტრი მონაწილეობას მიიღებს თურქმენეთის სახელმწიფო არქიტექტურისა და სამოქალაქო ინჟინერიის ინსტიტუტის გახსნის ცერემონიაში. გივი მიქანაძე, დელეგაციის წარმომადგენლებთან ერთად, ასევე ესტუმრება იმ უმაღლეს საგანმანათლებლო დაწესებულებებს, რომლებიც საქართველოს უნივერსიტეტებთან თანამშრომლობენ”, – ნათქვამია გავრცელებულ ინფორმაციაში.