GITA – ს მხარდაჭერით, საქართველოში ქოუჩინგის საერთაშორისო კვირეული მიმდინარეობს

GITA – ს მხარდაჭერით, საქართველოში ქოუჩინგის საერთაშორისო კვირეული მიმდინარეობს

GITA – ს მხარდაჭერით, საქართველოში ქოუჩინგის საერთაშორისო კვირეული მიმდინარეობს, რომელიც 22 მაისამდე გაგრძელდება. კვირეული სხვადასხვა ღონისძიებას აერთიანებს თბილისში, ბათუმსა და ქუთაისში. შეხვედრები ჩატარდება პირისპირ და ონლაინ ფორმატშიც. „გადაიაზრე მომავალის“ თემის ფარგლებში ICF საქართველო ჩაატარებს სესიებსა და ლექციებს სტარტაპებისთვის, ონლაინ მასტერკლასებსა და ვებინარებს. ასევე, მიაწვდის ინფორმაციას ქოუჩინგის პროფესიით დაინტერესებულ პირებს  კარიერული განვითარებისა და პერსპექტივების შესახებ. კვირეულის ფარგლებში, ტექნოპარკში, სტარტაპებისთვის ბიზნესქოუჩინგის დღე გაიმართა, სადაც განიხილეს ემოციური ინტელექტის, კრეატიული აზროვნების, ლიდერობის, ცვლილებების მართვის, მოლაპარაკებების ხელოვნებისა და სხვა დაკავშირებული თემები.

 

ქოუჩინგის საერთაშორისო  ფედერაცია (ICF) არის  პროფესიონალი ქოუჩების უდიდესი ორგანიზაცია, რომელიც აერთიანებს 140 ქვეყანასა და 35 000 მეტ პრაქტიკოს ქოუჩს. ყოველწლიურადმაისში, ICF მართავს საერთაშორისო კვირეულებს, სადაც ქოუჩები მთელი მსოფლიოდან ატარებენ ღია ლექციებს, შეხვედრებსა და სესიებს ქოუჩინგის შესახებ ცნობადობის ამაღლებისა და ინფორმაციის გავრცელების მიზნით. ბოლო წლის განმავლობაში მსოფლიოში შექმნილი ვითარების, პანდემიისა და ომის გათვალისწინებით კვირეულის მთავარი თემაა „გადაიაზრე მომავალი“. საქართველო, როგორც ICF წევრი ქვეყანა, უერთდება კვირეულს.

 

ქოუჩინგის საერთაშორისო კვირეულის ფარგლებში, 21 მაისს ტრენერთა ასოციაციასთან პარტნიორობით ჩატარდება ღონისძიება „მომავლის უნარები“. შეხვედრაზე ICF საქართველოს წევრი ქოუჩები და ტრენერთა ასოციაციის ტრენერები, მონაწილეებთან ერთად ისაუბრებენ მომავლის უნარებზე, რომლებიც 21-ე საუკუნეში წარმატების საწინდარია. ასევე განხილული იქნება, როგორ შეიძლება ამ უნარებზე მუშაობა ქოუჩინგისა და ტრენინგის საშუალებით.

 

24 მაისს HRPA-სთან პარტნიორობით ჩატარდება ჯგუფური ქოუჩინგის სესიები HR პროფესიონალებისთვის თემით: „ქოუჩინგი ორგანიზაციული განვითარებისთვის“. შეხვედრაზემონაწილეები მიიღებენ ცოდნას პერსონალური და ორგანიზაციული განვითარების ინსტრუმენტების შესახებ.

 

 

 

 

 

 

26 მაისს ჩატარდება ღონისძიება „ქოუჩინგის ელჩი“. შეხვედრაზე მონაწილეები მიიღებენ ჯგუფური ქოუჩინგის გამოცდილებას, ინფორმაციას სფეროსა და ქოუჩის პროფესიაში განვითარების შესახებ.

 

აღსანიშნავია, რომ წელს პირველად ქოუჩინგის კვირეული ასევე ჩატარდება ქუთაისსა და ბათუმში (28-29 მაისი). მონაწილეებს საშუალება ექნებათ საკუთარ თავზე გამოსცადონ ქოუჩინგის ინსტრუმენტები და მეთოდები.

 

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…