აგვისტოს შემდეგ, რუსეთში ღვინის ექსპორტი სექტემბერშიც შემცირდა

2023 წლის სექტემბერში ღვინის ექსპორტი 10%-ით 24.2 მლნ დოლარამდე შემცირდა. აგვისტოს მსგავსად, რუსეთში ქართული ღვინის ექსპორტის შემცირება სექტემბერშიც გაგრძელდა. კერძოდ, თუ 2022 წლის სექტემბერში რუსეთში 19 მლნ დოლარის ღირებულების ღვინო გავიდა ექსპორტზე, 2023 წლის ანალოგიურ პერიოდში ეს მაჩვენებელი 17 მლნ დოლარამდე [თითქმის 11%-ით] შემცირდა.

ღირებულების მსგავსად შემცირებულია ექსპორტირებული ღვინის მოცულობაც თითქმის 4 ათასი ტონით.

2023 წლის 9 თვეში ღვინის ექსპორტიდან მიღებული შემოსავალი 194 მლნ დოლარამდე გაიზარდა. წლიურ ჭრილში ზრდა თითქმის 12%-ს აღწევს.

საქართველოდან რუსეთში 129 მლნ დოლარის ღირებულების ღვინოა გაყიდული, ანუ მთლიანი ექსპორტის 67% რუსეთზე მოდის. ეს ბოლო წლებში რუსულ ბაზარზე დამოკიდებულების ერთ-ერთი ყველაზე მაღალი მაჩვენებელია.