არ ვფიქრობ, რომ შუაღამით საზოგადოებრივი ტრანსპორტი უნდა დადიოდეს – ირაკლი ხმალაძე

არ ვფიქრობ, რომ შუაღამით საზოგადოებრივი ტრანსპორტი უნდა დადიოდეს – ირაკლი ხმალაძე

თბილისის ვიცე-მერი, ირაკლი ხმალაძე მიიჩნევს, რომ ღამით დედაქალაქში საზოგადოებრივი ტრანსპორტი საჭირო არ არის. როგორც ხმალაძემ ჟურნალისტების შესაბამისი კითხვის საპასუხოდ განაცხადა, 2-3 ადამიანისთვის ავტობუსი ვერ ივლის, რადგან ეს დიდ ხარჯებს უკავშირდება.

„საზოგადოებრივი ტრანსპორტის მარშრუტები და განრიგი ტრანსპორტირების საჭიროებიდან გამომდინარე დგება. ჩვენ ამას მუდმივად ვაკვირდებით და საზოგადოებრივ ტრანსპორტს საზოგადოების საჭიროებებს ვარგებთ. ამ შემთხვევაში, თუ წარმოიშობა საჭიროება, რომ დაემატოს საათები, ჩვენ მზად ვართ, ეს გავაკეთოთ. ჩვენი პოლიტიკაა, რომ საზოგადოებრივი ტრანსპორტის მიწოდება იყოს უმაღლეს დონეზე და ამისთვის მუნიციპალიტეტმა საკმაოდ ბევრი რამ გააკეთა. დაიხარჯა საკმაოდ დიდი თანხები და არაფერს დავინანებთ მომავალშიც“, – განაცხადა ხმალაძემ.

მისივე თქმით, საჭიროებების შემთხვევაში, მაგალითად ახალ წელს და სხვა დღესასწაულებზე, როცა კონკრეტული ღონისძიებებია ჩანიშნული, ღამით ტრანსპორტი დადის.

„მე არ ვფიქრობ, რომ შუაღამით საზოგადოებრივი ტრანსპორტი უნდა დადიოდეს. თუმცა საჭიროების შემთხვევაში მზად ვართ დავნიშნოთ. 2- 5 ადამიანის გამო საზოგადოებრივ ტრანსპორტზე რეისებს ვერ დავნიშნავთ. ეს არ იქნება სწორი გადაწყვეტილება, რადგან იქნება დიდი დანახარჯები, ნაკლები სარგებლით“, – თქვა ხმალაძემ.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…