ახალი ასაფრენი ზოლი და ტერმინალი ქუთაისის აეროპორტში – რას აანონსებს მთავრობა?

ახალი ასაფრენი ზოლი და ტერმინალი ქუთაისის აეროპორტში – რას აანონსებს მთავრობა?

მთავრობა მომავალ წლიდან ქუთაისის აეროპორტის გაფართოების დაწყებას აანონსებს. აღნიშნულს საქართველოს მთავრობის შემუშავებული ახალი დოკუმენტი – „ხედვა 2030 საქართველოს განვითარების სტრატეგია” ითვალისწინებს და ის ქუთაისში წლების წინ დაპირებული, თუმცა ამ დრომდე შეუსრულებელ სატვირთო ტერმინალის მშენებლობას ეხება. 

დოკუმენტის მიხედვით, დაგეგმილია ქვეყნის საჰაერო სატვირთო გადაზიდვების პოტენციალის გაუმჯობესება, რისთვისაც იგეგმება ქუთაისის აეროპორტის მომსახურების არეალის გაზრდა.

კერძოდ, 2023 წელს იგეგმება ახალი, 3,200-3,500-მეტრიანი ასაფრენ-დასაფრენი ზოლის და შესაბამისი სააეროდრომო ინფრასტრუქტურის მშენებლობა.

„აღნიშნული გააჩენს შესაძლებლობას, ქუთაისის საერთაშორისო აეროპორტით ისარგებლონ დიდი ზომის (ე. წ. wide body) საჰაერო ხომალდებმა, რაც შორი მანძილებიდან ახალი ავია-მიმართულებების დამატების ერთ-ერთი ხელშემწყობი ფაქტორია. ამასთანავე, ახალი ზოლის მშენებლობა ხელს შეუწყობს აეროპორტთან ლოგისტიკური ცენტრისა და სატვირთო ტერმინალის განვითარების შესაძლებლობას“, – ნათქვამია დოკუმენტში.

ქუთაისის აეროპორტში სატვირთო ტერმინალის მშენებლობის იდეა და დაპირებაც რამდენიმე წელია არსებობს. ამ დრომდე საჰაერო ტვირთებს მხოლოდ თბილისის აეროპორტი ემსახურება. ექსპორტიორები იმედოვნებენ, რომ ქუთაისის ტერმინალიდან გადაზიდვის ტარიფები თბილისის ტერმინალებთან შედარებით დაბალი იქნება, რაც მათთვის საჰაერო გადაზიდვებს მეტად ხელმისაწვდომს გახდის.

აღსანიშნავია, რომ ქუთაისის საერთაშორისო აეროპორტი 2012 წელს გაიხსნა. 2017 წელს დაიწყო ქუთაისის საერთაშორისო აეროპორტის გაფართოების პროექტი, რომელშიც სახელმწიფომ 110 მილიონი ლარის ოდენობის ინვესტიცია განახორციელა. 2022 წლის ოქტომბრის დასაწყისში ქუთაისის საერთაშორისო აეროპორტის ასაფრენ-დასაფრენი ზოლის რეაბილიტაცია განხორციელდა, რაშიც 8 მლნ ლარი დაიხარჯა.

„ხედვა 2030 საქართველოს განვითარების სტრატეგიის დამტკიცების შესახებ“ დოკუმენტში ასევე ნათქვამია, რომ საქართველოს მთავრობის სტრატეგიულ მიზანს წარმოადგენს ტურიზმის მდგრადი განვითარების ხელშეწყობა, რის შედეგადაც, 2030 წლისთვის გაორმაგდება პანდემიამდე მიღებული შემოსავლები და გაიზრდება საერთაშორისო მოგზაურთა რაოდენობა 2019 წელს დაფიქსირებული 9.3 მილიონიდან 13 მილიონამდე.

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…