ახალი ტურისტული ლოკაციების განვითარებისთვის ბიუჯეტიდან 200 მლნ გამოიყოფა – ვინ შეასრულებს პროექტებს?

ახალი ტურისტული ლოკაციების განვითარებისთვის ბიუჯეტიდან 200 მლნ გამოიყოფა – ვინ შეასრულებს პროექტებს?

საქართველოს პრემიერ-მინისტრის განცხადებით, ახალი ტურისტული ლოკაციების განვითარების პროგრამისთვის ბიუჯეტიდან ₾200 მლნ გამოიყოფა. ამის შესახებ ირაკლი ღარიბაშვილმა მთავრობის სხდომის დაწყებამდე 2023 წლის სახელმწიფო ბიუჯეტზე საუბრისას განაცხადა.

მისი შეფასებით, ტურიზმი ქვეყნის ეკონომიკის ზრდაში ერთ-ერთი მნიშვნელოვანი წვლილის შემტანი და პრიორიტეტული მიმართულებაა და ეს პროექტიც ტურიზმის განვითარებისთვის ხორციელდება.

„რამდენიმე თვის წინ დავიწყეთ მუშაობა ახალი ტურისტული ლოკაციების ჩამოყალიბებაზე, ჩემი დავალებით ეს პროგრამა უკვე გაკეთებულია, გამზადებულია, ამის თაობაზე საზოგადოებას რამდენიმე ხანში წარვუდგენთ უკვე კონკრეტულ გეგმას, როგორც არსებული ლოკაციების, ასევე ახალი ლოკაციების განვითარებას შეეხება აღნიშნული პროგრამა და მომდევნო წელს ჩვენ ვიწყებთ ახალი ტურისტული ლოკაციების განვითარებას, მათ შორის არსებულის სრულ რეაბილიტაციას და ამ მიზნით ჩვენ გამოვყოფთ 200 მლნ ლარს. ეს თანხა ტურიზმის მიმართულებით, ახალი ტურისტული ლოკაციების განვითარების პროგრამაზე გამოიყოფა“, – განაცხადა ღარიბაშვილმა.

მთავრობის სხდომის დასრულების შემდეგ bm.ge-მ ფინანსთა მინისტრ ლაშა ხუციშვილს ჰკითხა თუ ვინ შეასრულებდა ახალი ტურისტული ლოკაციების პროექტებს. უწყების ხელმძღვანელმა აღნიშნა, რომ კურორტების განვითარების მიმართულებით ჩასატარებელი სამუშაოებს ინფრასტრუქტურის სამინისტრო განახორციელებს.

„ეს არის ინფრასტრუქტურის მიმართულებით, კურორტების განვითარებისთვის გამოყოფილი 200 მლნ ლარი. ეს თანხა ინფრასტრუქტურის სამინისტროს ბიუჯეტში აისახება, შესაბამისად აღნიშნული პროექტები ინფრასტრუქტურის სამინისტროს მიერ შესრულდება. თუმცა მჭიდრო კოორდინაციაში ეკონომიკის სამინისტროსთან იქიდან გამომდინარე, რომ ეკონომიკის სამინისტრო ამ მიმართულებით ხედვას ამზადებს, რომლითაც აღნიშნული ლოკაციების შერჩევა ფაქტობრივად დასრულებულია და პირველადი პროექტების სახით მალე წარმოადგენენ, სწორედ ამაზე დაყრდნობით იქნება ხარჯვითი ნაწილი გაწერილი, ხოლო უშუალო განმხორციელებელი ინფრასტრუქტურის სამინისტროა“, – თქვა მინისტრმა.

მსგავსი სიახლეები

ბედნიერება – ეკონომიკური განვითარების ზომა

ბედნიერება – ეკონომიკური განვითარების ზომა

რამაზ აბესაძე, პროფესორი მოსახლეობის კეთილდღეობის შეფასების სხვადასხვა მიდგომას ეკონომისტები დიდი ხანია იყენებენ. ყველაზე გავრცელებულია ეკონომიკური შეფასება მთლიანი შიდა პროდუქტის გაანგარიშებით, მათ…
“ოცნება” სებ-ის საბჭოს წევრებად ყეინიშვილ-ხომერიკის კანდიდატურების ჯერ ჩაგდების და შემდეგ დამტკიცების მიზეზს განმარტავს

“ოცნება” სებ-ის საბჭოს წევრებად ყეინიშვილ-ხომერიკის კანდიდატურების ჯერ ჩაგდების და…

პარლამენტმა ეროვნული ბანკის საბჭოს წევრებად პრეზიდენტის მიერ წარდგენილი ნანა ყეინიშვილის და თეიმურაზ ხომერიკის კანდიდატურებს მხარი დაუჭირა. სხდომამდე საკითხი განიხილეს საფინანსო საბიუჯეტო…
მზად ვართ, კითხვებს ამომწურავი პასუხები გავცეთ – თურნავა IMF-ს

მზად ვართ, კითხვებს ამომწურავი პასუხები გავცეთ – თურნავა IMF-ს

ეროვნული ბანკის პრეზიდენტის მოვალეობის შემსრულებელი ნათია თურნავა ეროვნული ბანკის სათავო ოფისში საერთაშორისო სავალუტო ფონდის მისიის მუდმივ წარმომადგენელს საქართველოში ენდრიუ ჯუველს შეხვდა.…