ბოლო 7-8 წელში ბევრად მეტი ინფრასტრუქტურული პროექტი განხორციელდა, ვიდრე წინა 30-ში – GWP

ბოლო 7-8 წელში ბევრად მეტი ინფრასტრუქტურული პროექტი განხორციელდა, ვიდრე წინა 30-ში – GWP

“ჯორჯიან უოთერ ენდ ფაუერის” გენერალური დირექტორის, ირაკლი ბაბუხადიას განცხადებით, ბოლო 7-8 წლის განმავლობაში კომპანიამ იმაზე მეტი ინფრასტრუქტურული პროექტი განახორციელა, ვიდრე წინა 30 წლის განმავლობაში. თუმცა, მისი თქმით, ეს არაა საკმარისი და გაცილებით მეტი ინვესტიციაა საჭირო, ვინაიდან ჩვენი წყალმომარაგების სისტემის ინფრასტრუქტურის უდიდესი ნაწილის ექსპლუატაციის ვადა ამოწურულია და საჭიროებს სერიოზულ და მასშტაბურ რეაბილიტაციას, რისთვისაც აუცილებელია სოლიდური ინვესტიცია.

კითხვაზე თუ რას უპასუხებდა მოსახლეობას მაშინ, როდესაც ქსელის აღდგენისთვის ან დაზიანების გამოსწორებისთვის წყალი ითიშება, ირაკლი ბაბუხადია ამბობს: “პირველ რიგში, ბოდიშს მოვიხდი ამის გამო. ქსელის რეაბილიტაცია მიმდინარეობს და ეს საკმაოდ შრომატევადი საქმეა. ჩვენ ძალისხმევას არ ვიშურებთ იმისთვის, რომ ქალაქს მივაწოდოთ სტაბილური წყალმომარაგება და სამომავლოდ ვგეგმავთ უფრო და უფრო მეტი ინფრასტრუქტურული პროექტების განხორციელებას. პირდაპირ შემიძლია ვთქვა, რომ ბოლო 7-8 წელიწადში ბევრად უფრო მეტი ინფრასტრუქტურული პროექტები განვახორციელეთ, ვიდრე მანამდე 30-წლიანი პერიოდის მანძილზე ხდებოდა. ეს იყო ჩავარდნის, სტაგნაციის პერიოდი, დაწყებული 1990-იანი წლებიდან, და ეს ყველაფერი, რა თქმა უნდა, აისახება ქსელის ამორტიზაციაზე. ალბათ ყველა ამჩნევს, რომ ბოლო წლების განმავლობაში ძალიან ბევრი ინფრასტრუქტურული პროექტი განხორციელდა ქალაქის მასშტაბით და ჩვენ გავაგრძელებთ ამ პროცესს,”- განაცხადა gwp-ის გენერალურმა დირექტორმა.

სემეკი წყლის ახალ სამწლიან ტარიფებს 2023 წლის დეკემბერში დაამტკიცებს. ტარიფის ერთ-ერთი მთავარი მდგენელი სწორედ საინვესტიციო აქტივობაა, რაც ქსელის განვითარებისთვის არის აუცილებელი. წლის ბოლოს დადგინდება რა მოცულობით აისახება აღნიშნული საინვესტიციო გეგმა მოსახლეობისა და ბიზნესისთვის დაწესებულ წყლის ტარიფებზე.

“სამომავლოდ ინვესტიციების შემოდინება იქნება ასევე მაღალი, რადგანაც საკმაოდ დიდი ინვესტიციები არის ჩასადები ამორტიზებული ქსელის გამოცვლისათვის. წლევანდელი საინვესტიციო გეგმა არის შეთანხმებული, რაც არის სამწლიანი გეგმის ნაწილი, რომელსაც სემეკ-თან ვათანხმებთ. სამომავლო გეგმებზე წლის ბოლომდე შევთანხმდებით. ახლა მიდის ამაზე საკმაოდ ინტენსიური საუბარი. ჯერ ვერ გეტყვით კონკრეტულ მოცულობას.

ტარიფი არის საბოლოო შედეგი. ის იწყება იმით, თუ რა არის ქსელისათვის საჭირო. რაზე შევთანხმდებით, რა რომელ პერიოდში უნდა გაკეთდეს. მთავარია ქალაქის სტაბილური წყალმომარაგება და ქსელის სტაბილური გაუმჯობესება,“- ამბობს ირაკლი ბაბუხადია.

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…