გაფართოვდება თუ არა იპოთეკური სესხების სუბსიდირების პროგრამა? – მინისტრის პასუხი

გაფართოვდება თუ არა იპოთეკური სესხების სუბსიდირების პროგრამა? – მინისტრის პასუხი

ეკონომიკისა და მდგრადი განვითარების მინისტრის, ლევან დავითაშვილის განცხადებით, ჯანდაცვის სამინისტრო ატარებს კვლევას, რომელიც დემოგრაფიული და სოციალური პრობლემების მოგვარებას ეხება, რომლის შედეგების მიღების შემდეგაც, მთავრობა მოსახლეობას შეღავათების და წახალისებების ახალ ფაქტორებს შესთავაზებს, მათ შორის იპოთეკური სესხების სუბსიდირების ნაწილში. ამის შესახებ მინისტრმა მთავრობის სხდომის დასრულების შემდეგ გამართულ პრესკონფერენციაზე ჟურნალისტების კითხვის საპასუხოდ განაცხადა

საქმე ის არის, რომ რამდენიმე თვის წინ პრემიერმა იპოთეკური სესხების სუბისიდირების პროგრამის გაფართოება დააანონსა. „ორი წლის წინ დავიწყეთ მნიშვნელოვანი პროექტის ამოქმედება. ეს არის სუბსიდირებული იპოთეკური სესხები. ეკონომიკის სამინისტრო გასცემს ამ პროგრამის ფარგლებში სუბსიდირებულ სესხებს, უფრო სწორედ, ბანკებთან თანამშრომლობს. გვინდა, რომ ეს გავაფართოოთ, უფრო მეტ ოჯახს დავეხმაროთ“, – თქვა ღარიბაშვილმა. მედია დღეს დაინტერესდა, არის თუ არა სიახლე ამ მიმართულებით.

„ამ პროგრამის არსიც და ძირითადი მნიშვნელობაც არის ის, რომ ჩვენს მოსახლეობას საცხოვრებელი პირობები გაუუმჯობესდეს. ეს უკვე ირიბად არის დაკავშირებული სექტორის წახალისებასთან, სამშენებლო სექტორის განვითარებასთან და ზრდასთან, მიზანი ჩვენი მოსახლეობის საცხოვრებელი პირობების გაუმჯობესებაა.

თქვენ იცით, რომ შექმნილია დემოგრაფიული საბჭო, რომელიც მსჯელობს ქვეყანაში დემოგრაფიული მდგომარეობის გაუმჯობესებაზე და დღეს მიმდინარეობს ჯანდაცვის სამინისტროს მიერ დეტალური კვლევები, თუ რა არის უფრო მეტად წამახალისებელი ფაქტორები, რომ ჩვენს ქვეყანაში სოციალური და დემოგრაფიული პირობები გაუმჯობესდეს. ამიტომ, ჩვენ მზად ვართ, რომ დამატებითი მოტივატორები, დამატებითი წამახალისებელი ფაქტორები შემოვიღოთ, იგივე იპოთეკის სუბსიდირების პროგრამაში, მაგრამ ეს უნდა იყოს კონკრეტული მიზნით. ჩვენ იმედი გვაქვს, რომ დემოგრაფიული საბჭოს ფორმატში ამ გადაწყვეტილებებს მივიღებთ მომავალი წლის დასაწყისში, როცა კვლევის სრული სურათი გვექნება და საზოგადოებას ახალი წამახალისებელი ღონისძიებების შესახებ მივაწვდით ინფორმაციას“, – განაცხადა დავითაშვილმა.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…