დასაქმება ისტორიულ მაქსიმუმზეა – პრემიერი

დასაქმება ისტორიულ მაქსიმუმზეა – პრემიერი

საქართველოს პრემიერ-მინისტრის განცხადებით, ქვეყანაში სიღარიბე შემცირებულია და ისტორიულ მინიმუმზეა ჩამოსული. ასე შეაფასა მთავრობის სხდომის დაწყებამდე ირაკლი ღარიბაშვილმა გასულ კვირას საქსტატის მიერ გამოქვეყნებული აბსოლუტური სიღარიბის ზღვარს მიღმა მყოფი მოსახლეობის შესახებ განახლებული მონაცემები.

საქსტატის ცნობით, საქართველოში სიღარიბე მცირდება და 2022 წელს სიღარიბის აბსოლუტურმა მაჩვენებელმა 15.6% შეადგინა, რაც წინა წელთან შედარებით 1.9 პროცენტული პუნქტით ნაკლებია.

„იცით, რომ წინა კვირას ამის თაობაზე ჩვენს ეკონომიკურ გუნდს ქონდა საუბარი, ასევე სტატისტიკის დეპარტამენტმაც გამოაქვეყნა მონაცემები, დასაქმება არის ისტორიულ მაქსიმუმზე, შეიძლება ასე ითქვას, უმუშევრობა ისტორიულ მინიმუმამდეა შემცირებული, ისევე როგორც სიღარიბე არის შემცირებული და ისტორიულ მინიმუმზეა ჩამოსული“, – განაცხადა პრემიერმა.

მინისტრთა კაბინეტის სხდომაზე მან ქვეყანაში პირველ კვარტალში შექმნილ სამუშაო ადგილების რაოდენობაზეც ისაუბრა და აღნიშნა, რომ ამ პერიოდში სამუშაო ადგილების რაოდენობა გაიზარდა.

„პირველ კვარტალში 42 000-ით მეტი სამუშაო ადგილი შეიქმნა და 716 000 შეადგინა, რაც პირველ კვარტლებში ბიზნესსექტორში დასაქმებულთა რაოდენობის რეკორდული მაჩვენებელია. მათ შორის, 2020 წელს ჩვენ პირველ კვარტალში საკმაოდ მაღალი მაჩვენებელი გვქონდა. ჯერ კიდევ მაშინ პანდემია და პანდემიის ეფექტი არ იყო ასახული. მაშინ იყო 31 000 და ეს ერთ-ერთ საუკეთესო მაჩვენებლად ითვლებოდა. ახლა, ორი წლის შემდეგ, პირველ კვარტალში სამუშაო ადგილების რაოდენობა 42 000-ით გაიზარდა, ასე რომ ეს ძალიან სასიხარულო ინფორმაციაა“, – აღნიშნა პრემიერმა.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…