ვაზიანის აეროპორტის საკონსულტაციო მომსახურებაზე ტენდერი გამოცხადდა – დეტალები

ვაზიანის აეროპორტის საკონსულტაციო მომსახურებაზე ტენდერი გამოცხადდა – დეტალები

„საქართველოს აეროპორტების გაერთიანებამ“ ვაზიანის აეროპორტის საკონსულტაციო მომსახურებაზე ტენდერი გამოაცხადა, რომლის ღირებულება 261,773 ლარია. სატენდერო დოკუმენტაციის მიხედვით, წინადადებების მიღება 20 მარტს დაიწყება და 22 მარტს დასრულდება.

დოკუმენტაციის მიხედვით, ტენდერის მიზანია, შეირჩეს სპეციალიზებული საავიაციო საკონსულტაციო კომპანია, რომელიც შეიმუშავებს ყოვლისმომცველ ტექნიკურ დავალებებს და შემდგომ სამოქმედო ნაბიჯებს გაწერს.

ხელშეკრულების დადებიდან კომპანიას დოკუმენტაციის მომზადებისთვის 3 კვირის ვადა აქვს. შესაბამისად, გამოდის, რომ პროცესი გაზაფხულის ბოლომდე უნდა დასრულდეს.

დოკუმენტის მიხედვით, კომპანია ვალდებული იქნება შეიმუშაოს აეროპორტის გენერალური განვითარების გეგმა და სხვა ტექნიკური კვლევების შეფასება. ასევე, უნდა აწარმოოს კვლევები გარემოზე ზემოქმედების კვლევებსა და სამშენებლო მოედნის მოწყობაზე. გარდა ამისა, კომპანიამ აეროპორტის ინფრასტრუქტურის არქიტექტორული დიზაინიც უნდა შეიმუშაოს.

ტენდერში მონაწილეობისთვის კომპანიას მოცემულ სფეროში მოღვაწეობის გამოცდილება სულ მცირე უკანასკნელი 10 წლის განმავლობაში უნდა ჰქონდეს. ასევე, საკონსულტაციო კომპანიას უნდა ჰქონდეს ტექნიკურ დავალებაში გათვალისწინებული მიმართულებებით მუშაობის გამოცდილება ან შესაბამისი ტექნიკური დავალების საფუძველზე განსახორციელებელი პროექტირების/დოკუმენტაციის მომზადების გამოცდილება.

მსგავსი სიახლეები

საპენსიო სააგენტოს აქტივებმა 5 მილიარდს გადააჭარბა

საპენსიო სააგენტოს აქტივებმა 5 მილიარდს გადააჭარბა

საქართველოს საპენსიო სააგენტოს ატქივებმა დღეს 5 მილიარდ ლარს გადააჭარბა. ეს თანხა წარმოადგენს 1.3 მილიონი ადამიანის საპენსიო დანაზოგს, რაც ერთ მონაწილეზე საშუალოდ…
რამდენი ადამიანი მუშაობს სებ-ში და რა არის სახელფასო ხარჯები – წლიური ანგარიში

რამდენი ადამიანი მუშაობს სებ-ში და რა არის სახელფასო ხარჯები…

საქართველოს ეროვნულმა ბანკმა პარლამენტს 2023 წლის საქმიანობის ანგარიში წარუდგინა. დოკუმენტის თანახმად, ეროვნულ ბანკში საზედამხედველო/მომხმარებელთა დაცვის მიმართულებების გაფართოების პარალელურად, იზრდება მასში დასაქმებულ…
რუსული ნავთობი ევროპაში თურქეთის გავლით ხვდება. კრემლის მოგება – $3 მლრდ – POLITICO

რუსული ნავთობი ევროპაში თურქეთის გავლით ხვდება. კრემლის მოგება –…

ახალი კვლევის თანახმად, დასავლური სანქციების შემდეგ, რუსული ნავთობი ევროკავშირის ქვეყნებში, თურქეთის გავლით, შენიღბული ტვირთის სახით ხვდება. “გასული წლის მაისში თურქეთის სამხრეთით, სირიის საზღვრიდან…