ველოდებით, რომ ბაზარზე კიდევ ერთი ახალი ციფრული ბანკი გამოჩნდება – ძნელაძე

ველოდებით, რომ ბაზარზე კიდევ ერთი ახალი ციფრული ბანკი გამოჩნდება – ძნელაძე

საქართველოს საბანკო ასოციაციის პრეზიდენტი, ალექსანდრე ძნელაძე ბაზარზე კიდევ ერთი ახალი ციფრული ბანკის შემოსვლას აანონსებს, მისი თქმით, ახალი ციფრული ბანკი ბაზარზე 2024 წელს შემოვა.

ალექსანდრე ძნელაძის განცხადებით, მომდევნო წელს ბაზარზე კიდევ ერთი მიკრობანკი გამოჩნდება, შესაბამისად, საბანკო სექტორი 18-მდე გაიზრდება.

2023 წლის განმავლობაში საბანკო სექტორის კრედიტებმა 51.2 მილიარდ ლარს მიაღწია (ზრდა 7.6 მილიარდი ლარი), ხოლო სადეპოზიტო პორტფელი 7.8 მილიარდი ლარით, 50.4 მილიარდამდე გაიზარდა. წელსვე ბაზარს შემოემატა 2 ახალი ციფრული ბანკი – “ჰეშ ბანკი” და “პეივი”.

“საქართველოს საბანკო სისტემა შედგება 16 მოთამაშისგან, წლის ბოლოს მიენიჭა ორი ციფრული საბანკო ლიცენზია, ციფრული ბანკი “პეისერა” უკვე ემსახურება მომხმარებლებს, ხოლო ახალ ციფრულ ბანკს ველოდებით რა შეთავაზებები ექნებათ მათ.

მომდევნო წელს ველოდებით ახალ ციფრულ ბანკებს, მოლოდინი გვაქვს, რომ ერთი ახალი ციფრული ბანკი უნდა შემოვიდეს ბაზარზე, ასევე ველოდებით მიკრობანკების ლიცენზიის გაცემას, რომელზეც გარკვეული შეთანხმება უკვე მოხდა ეროვნულ ბანკსა და მიკროსაფინანსო ორგანიზაციას შორის იმ პრობლემებთან დაკავშირებით, რაც მათი მხრიდან იყო დასახელებული.

ეს ყველაფერი იმის წინაპირობაა, რომ კონკურენცია გაიზრდება. მიუხედავად იმისა, რომ ხშირად ვსაუბრობთ კონცენტრაციაზე, კონკურენცია საბანკო სექტორში ყოველთვის იყო, თუმცა საუბარია კონკრეტული პროდუქტების მიხედვით კონკურენციაზე, რაც ძალიან მნიშვნელოვანია სექტორის შემდეგი განვითარებისთვის,”- გადაცემა “საქმიანი დილას” ეთერში განაცხადა ალექსანდრე ძნელაძემ.

მსგავსი სიახლეები

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ფინანსთა მინისტრმა ლაშა ხუციშვილმა და ეროვნული ბანკის პრეზიდენტის მოვალეობის შემსრულებელმა ნათია თურნავამ IMF-ის მმართველი დირექტორის მოადგილესთან, ბო ლისთან გამართეს შეხვედრა. მხარეთა…
ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკის ხელმძღვანელის, კრისტინ ლაგარდის განცხადებით, უწყება რეფინანსირების განაკვეთს უახლოეს მომავალში შეამცირებს. მართალია, ბანკირს ზუსტი თარიღი არ დაუსახელებია, თუმცა ექსპერტები…
თბილისის ენერგომოხმარება იზრდება – “თელასი” ანგარიშს აქვეყნებს

თბილისის ენერგომოხმარება იზრდება – “თელასი” ანგარიშს აქვეყნებს

კომპანია „თელასმა“ 2024 წლის პირველი კვარტალის ოპერაციული მაჩვენებლები გამოაქვეყნა. ანგარიშის მიხედვით, თბილისის აბონენტების მიერ მოხმარებული ელექტროენერგია წლიურად 5.5%-ით არის გაზრდილი. ასევე…