თანამედროვე ფინტექ-დამსაქმებელი გლობალური ამბიციებით

თანამედროვე ფინტექ-დამსაქმებელი გლობალური ამბიციებით

ალბათ უკვე ყველასთვის ნათელია, რომ მომავლის მსოფლიო ციფრულ ტექნოლოგიებზე იქნება დამოკიდებული. სერვისების და პროდუქტების გაციფრულება აჩქარებს განვითარებასა და ეკონომიკურ ზრდას, აახლოებს ადამიანებს ერთმანეთთან და რესურსების უკეთ გამოყენების საშუალებას იძლევა, მათ შორის ტრადიციულ საბანკო მიმართულებაშიც ამის ერთ-ერთი საუკეთესო მაგალითი კი ფინანსურ-ტექნოლოგიური კომპანია – Space International-ია.

Space International-ი თიბისი ჯგუფის შვილობილი კომპანიაა, რომელიც 2018 წელს საქართველოში, სხვა ქვეყნებში მარტივი გზით გაფართოების მიზნით შეიქმნა. საქართველოში წარმატებული ოპერირების შემდეგ, „სფეის“-პლატფორმის დანერგვა, TBC UZ-ის სახით, უზბეკეთშიც განხორციელდა. დღეს უკვე ორივე ბაზარზე პლატფორმას 4 მილიონამდე მომხმარებელი ჰყავს. საქართველოში, ისევე როგორც უზბეკეთში, ქართული ფინტექ-კომპანია ტექნოლოგიურ საბანკო პლატფორმას ავითარებს და მომხმარებლებს სრულად ციფრულ და გამარტივებულ საბანკო გამოცდილებას სთავაზობს.

მას შემდეგ რაც სფეისის საბანკო პლატფორმა საერთაშორისო ბაზარზე გავიდა, ფინანსურ ტექნოლოგიური კომპანიის გეგმები ამბიციური და მასშტაბური გახდა. კომპანია მიზნად მომავალში ბევრ ახალ ბაზარზე შესვლასა და მსოფლიოში ერთ-ერთ საუკეთესო ციფრულ პლატფორმად ჩამოყალიბებას ისახავს. გრძელვადიან პერსპექტივაში, 2025 წლისთვის, თიბისი ჯგუფის სტრატეგიული მიზანი „სფეისის“ პლატფორმის გარშემო 10 მილიონზე მეტი მომხმარებლის გაერთიანებაა. აქსელერირებულ განვითარებასთან ერთად კომპანიის გუნდიც სწრაფად იზრდება, 2021 წლიდან დღემდე Space International-ში დასაქმებულთა რიცხვი გაორმაგდა და 260-ზე მეტ თანამშრომელს მიაღწია.

როგორ ვითარდება Space International-ი საერთაშორისო ფინტექ-კომპანიად და მოწინავე ტექ-ტალანტებისთვის მიმზიდველ სამუშაო ადგილად, კომპანიის საოპერაციო დირექტორი ნინო ყაჭეიშვილი მოგვიყვება. ნინო უკვე 4 წელია, საკუთარ 23-წლიან კარიერულ გამოცდილებას ფინანსურ სექტორსა და საცალო გაყიდვებში „სფეისის“ განვითარებაში იყენებს. ნინოს თქმით: „ნებისმიერ კომპანიაში წარმატებას ის ადამიანები განაპირობებენ რომლებიც საერთო მიზნისთვის ყოველდღიურად, გუნდურად მუშაობენ, ამის გვჯერა Space International-შიც“.

იქიდან გამომდინარე, რომ კიდევ უფრო ფიქრობთ გაფართოებას, კომპანია საჭიროებს გაცილებით მეტი მაღალკვალიფიციური ტალანტის მოზდივას, რომლებიც არა მხოლოდ ადგილობრივ ბაზარზე, არამედ საერთაშორისო ბაზრებზეც მარტივად შეძლებენ ადაპტირებას. ნინო, თქვენი გადმოსახედიდან, რა გამოწვევების წინაშე დგას ტექნოლოგიური ინდუსტრია ტალანტების მოზიდვის მხრივ? თქვენ რამდენად გეხებათ ეს გამოწვევები?

„ბოლო წლებში სხვა ბევრი საერთაშორისო კომპანია შემოვიდა საქართველოში, რომლებმაც არსებულ ბაზარზე, ტექ-ტალანტების მოზიდვის კუთხით, კონკურენცია საგრძნობლად გაზარდეს.

კიდევ უფრო მეტ მნიშვნელობას იძენენ მაღალი კვალიფიკაციის მქონე პროფესიონალები, რომლებსაც დიდ მასშტაბებზე მუშაობის გამოცდილება აქვთ. იქიდან გამომდინარე, რომ ამბიციური გეგმები გვაქვს, კომპანიის საერთაშორისო ზრდის პროცესი პროპორციულად პროფესიული უნარების მოთხოვნილებების ზრდასაც იწვევს. ეს მასშტაბურობა განსხვავებულ საჭიროებასაც ქმნის მოთხოვნების თვალსაზრისით.
ჩვენი სტრატეგია კი მაქსიმალურად ფოკუსირებული გავხადეთ თანამშომლების კომპანიის შიგნით განვითარებაზე. სხვადასხვა პოზიციაზე თუ როლზე პირველ რიგში შიდა კადრებს განვიხილავთ და ვაძლევთ შესაძლებლობას ახალ გამოწვევებს შეეჭიდონ. ბაზარზე ერთ-ერთი კომფორტული სამუშაო გარემოს შექმნით, „სფეისში“ მოვახერხეთ, რომ მასობრივად ქართველი ტალანტებით დაკომპლექტებული გუნდით, საქართველოში ბაზირებული საერთაშორისო პროდუქტი საზღვრებს გარეთ გაგვეტანა. უკვე იმ ეტაპზე ვართ, რომ „სფეისი“ მიმზიდველი ისთი საერთაშორისო თუ ადგილობრივი ტალანტებისთვის გახდა, რომლებიც წარსულში ისეთ ტექნოლოგიურ გიგანტებთან თანამშრომლობდნენ, როგორიცაა Microsoft-ი, Google-ი, Siemens-ი თუ სხვა“, – ამბობს ნინო.

როგორია თქვენი მიდგომა ტალანტების შერჩევისას? რა არის თქვენი კრიტერიუმები?

„თავისთავად პროფესიონალიზმი ერთ-ერთი კრიტიკულად მნიშვნელოვანი კრიტერიუმია – იმ პროფესიის კარგად ცოდნა, რომლითაც ტალანტი ჩვენთან მუშაობას გეგმავს. თუმცა არანაკლებ მნიშვნელოვანია, გუნდის წევრები საერთო ღირებულებებისა და ფასეულობების მატარებლები ვიყოთ და ერთმანეთის გვესმოდეს.

„სფეისი“ არის გამბედავი, ემპათიური და ძლიერი ტექპროფესიონალების გუნდი, რომელთაც აერთიანებთ ისეთი ღირებულებები როგორიცაა გულწრფელობა, ცნობისმოყვარეობა, გამძლეობა, შემოქმედებითობა და განვითარების სურვილი.

კომპანია ამბიციურია თავისი გეგმებიდან და მნიშვნელობიდან გამომდინარე, და აქტიურად ცდილობს იმ ციფრული პროდუქტით, რომელსაც საკუთარ მომხმარებელს სთავაზობს, მათი ყოველდღიური ყოფა მაქსიმალურად გაამარტივოს. ამ ყველაფერს კი მხოლოდ და მხოლოდ გუნდური მუშაობით შეიძლება მივაღწიოთ, რაც ჯერჯერობით წარმატებულად გამოგვდის“, – მიყვება ნინო.

ნინო, ადგილობრივ თუ საერთაშორისო ბაზრებზე საუკეთესო ტალანტის აღმოჩენას მაქსიმალურად ცდილობთ. როგორც ქვეყანაში არსებული მოწინავე ფინანსურ-ტექნოლოგიური კომპანია, რას სთავაზობთ მათ?

„სფეის ინტერნეიშენალის მასშტაბი განსაკუთრებული განვითრების შესაძლებლობას აძლევს ჩვენთან დასაქმებულ ტექ-ტალანტებს. ერთ-ერთი ფაქტორი, რაც ნებისმიერი თანამშრომლისთვის შეიძლება მიმზიდველი აღმოჩნდეს, ის რამდენიმე მილიონი მომხმარებელია, რომლებსაც ციფრული სერვისებით ყოველდღიურად უზრუნველვყოფთ. მომხმარებლების ზრდასთან ერთად, გვიწევს პლატფორმის მუდმივი დახვეწა, ასევე სხვადასხვა ბაზარზე ადაპტირება, ინოვაციური იდეების მოფიქრება და ა.შ., რაც საინტერესო გამოწვევა და საუკეთესო უნარების გამომუშავების გზაა ყველა იმ ადამიანისთვის, ვისაც ამ სფეროში კარიერული ზრდა სურს.

ტექ-ტალანტებისთვის არანაკლებ მნიშვნელოვანია, ისეთ გარემოში მუშაობდნენ, სადაც მათ ფართო ტექნოლოგიურ უზრუნველყოფას სთავაზობენ.

„სფეისი“ კი სწორედ ასეთი ადგილია. ჩვენ უკვე წლებია, კომპანიის შიგნით ტექნოლოგიურ მხარდაჭერას ვნერგავთ, რათა თითოეული თანამშრომლის საქმიანობა შეუფერხებლად მიმდინარეობდეს. სულ ახლახან პარტნიორობა დავიწყეთ გლობალურ ტექ-საკონსულტაციო კომპანია Thoughtworks-თან, რომელიც მსოფლიო მასშტაბით ნერგავს ტექნიკურ სტანდარტებს, ეჯაილ-პატერნებს და ეჯაილ-მანიფესტოებს შეიმუშავებს.

Space International-ი პირველი კომპანიაა არა მხოლოდ კავკასიაში, არამედ მთლიანად ცენტრალური აზიის რეგიონშიც, რომელთანაც Thoughtworks-ი აქტიურად მუშაობს. ამ თანამშრომლობის ფარგლებში, ჩვენს ტექ-ტალანტებს შესაძლებლობა ეძლევათ, ისწავლონ მსოფლიოს საუკუთესო პრაქტიკებიდან და გამოცდილება უშუალოდ სფეროს ექსპერტებისგან მიიღონ, შემდგომ კი არსებულ საჭიროებებს მოარგონ.

ამასთან ერთად, როგორც საერთაშორისო თანამედროვე ტექ-კომპანია, მაქსიმალურად ვცდილობთ, ხელი შევუწყოთ ჩვენი გუნდის წევრების თვითგანვითარებასაც. 2023 წლის სტრატეგიულ მიმართულებად სწორედ Learning & Development-ი დავისახეთ და შესაბამისი რესურსებიც გამოვყავით. იქნება ეს ლიდერშიფის, სხვადასხვა „Soft“ თუ „Hard“ უნარების განვითარება.

რეალურად გვჯერა, რომ ადამიანებს, რომლებიც ჩვენს გუნდს უერთდებიან, უზარმაზარი ზრდის პოტენციალი აქვთ. ჩვენ კი მათ პროფესიული ზრდისთვის საჭირო ხელსაწყოებს ვაწვდით. „სფეისი“ თითოეულ თანამშრომელში გრძელვადიან პარტნიორს ხედავს, რომლებშიც შესაბამისად დიდ ინვესტიციასაც დებს.

ჩვენთან ფინანსური კომპონენტიც, რა თქმა უნდა, არანაკლებ მიმზიდველია და ვფიქრობთ, რომ ბაზართან მიმართებით ერთ-ერთი ყველაზე კონკურენტულია“, – აღნიშნავს ნინო.

მსგავსი სიახლეები

ღვინის ტურიზმი საქართველოში

ღვინის ტურიზმი საქართველოში

ქეთევან ქველაძე – ეკონომიკის დოქტორი, უფროსი მეცნიერთანამშრომელი; ნუნუ ქისტაური – ეკონომიკის დოქტორი, უფროსი მეცნიერთანამშრომელი; მედეა მელაშვილი – მეცნიერთანამშრომელი მსოფლიოში ღვინის ტურიზმი…
კონტროლი უნდა გამკაცრდეს, სამშენებლო მანქანები ქუჩებს არ უნდა აბინძურებდნენ – მერი

კონტროლი უნდა გამკაცრდეს, სამშენებლო მანქანები ქუჩებს არ უნდა აბინძურებდნენ…

სამშენებლო მოედნებიდან გამოსული მანქანები დედაქალაქში ეკოლოგიურ და ინფრასტრუქტურულ პრობლემებს ქმნიან, – ამის შესახებ მთავრობის სხდომაზე მერმა განაცხადა. კახა კალაძე ამბობს, რომ…
საქართველოს რამდენი მოქალაქე დასაქმდა 2023 წელს ლეგალურად გერმანიასა და ისრაელში? – ანგარიში

საქართველოს რამდენი მოქალაქე დასაქმდა 2023 წელს ლეგალურად გერმანიასა და…

ჯანდაცვის სამინისტრომ „დასაქმების პოლიტიკის დაგეგმვისა და განხორციელების 2023 წლის ანგარიში“ წარმოადგინა. ანგარიშის მიხედვით, ლეგალური დასაქმების სახელმწიფო პროგრამით 2023 წელს გერმანიაში 1 193 პილი დასაქმდა,…