თებერვალში საქართველოს სავაჭრო ბრუნვა 10.7%-ით გაიზარდა

თებერვალში საქართველოს სავაჭრო ბრუნვა 10.7%-ით გაიზარდა

სტატისტიკის ეროვნული სამსახურის მონაცემებით, 2024 წლის თებერვალში საქართველოს სავაჭრო ბრუნვა გასული წლის ანალოგიურ თვესთან შედარებით 10.7%-ით გაიზარდა.

უფრო კონკრეტულად, 2024 წლის თებერვალში ექსპორტმა 464.6 მლნ აშშ დოლარი, იმპორტმა კი, 1.1 მლრდ აშშ დოლარი შეადგინა. მაშინ, როცა 2023 წლის თებერვალში საქართველოდან ექსპორტი 455.8 მლნ აშშ დოლარს, იმპორტი კი, 963.6 მლნ აშშ დოლარს შეადგენდა. გასულ თვეს სავაჭრო ბრუნვა 1 მლრდ 571 მლნ აშშ დოლარი იყო, 2023 წელს კი, 1 მლრდ. 419 მლნ აშშ დოლარი.

მიუხედავად იმისა, რომ 2024 წლის თებერვალში ექსპორტი 1.9%-ით, იმპორტი კი, 14.2%-ით გაიზარდა, ჯამურად იანვარ-თებერვლის მონაცემებით საგარეო ვაჭრობა შემცირებულია.

2024 წლის იანვარში, გასული წლის იმავე პერიოდთან შედარებით, საქართველოს საგარეო ვაჭრობა 14.8 პროცენტით – 1.5 მლრდ აშშ დოლარიდან 1.3 მლრდ აშშ დოლარამდე შემცირდა.

იმპორტის კლების ერთ-ერთი ფაქტორი, შესაძლოა 2024 წლის 1 იანვრიდან, საქართველოში 2013 წლამდე გამოშვებული ავტომობილების იმპორტის შეზღუდვას უკავშირდებოდეს, რომლის თანახმადაც, ქვეყანაში ვერ დარეგისტრირდება ავტომობილი, რომლის ემისიის სტანდარტიც ევრო 5 ნორმას ვერ აკმაყოფილებს. კიდევ ერთი ფაქტორი, რასაც შეიძლება გავლენა მოეხდინა ავტომობილების იმპორტზე სანქციებია, თუმცა ფაქტია, შემზღუდავი ნორმების მიუხედავად, თებერვალში საგარეო ვაჭრობა გაზრდილია.

მსგავსი სიახლეები

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ. აშლილობის და ალკოჰოლიზმის ბაზას ქმნის

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ.…

საქართველოს მთავრობა ქვეყანაში მართვის მოწმობებისა და იარაღის ლიცენზიის გაცემისთვის ფსიქიკური ჯანმრთელობის, ალკოჰოლიზმის, ნარკომანიის და ტოქსიკომანიის მქონე პირების ერთიანი ბაზის შექმნას გეგმავს.…
ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს კვლევის II ეტაპი?

ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს…

კომუნიკაციების კომისიამ (ComCom), ევროკავშირის ექსპერტებთან ერთად, საქართველოს სატელეკომუნიკაციო ბაზრის კომპლექსური კვლევის მეორე ეტაპი დაიწყო. კომისიის ინფორმაციით, კვლევის ერთ-ერთი მთავარი მიმართულება ფიქსირებულ საცალო ბაზარზე,…
იანვარში ინფლაციური მოლოდინები გაიზარდა – ეროვნული ბანკი

იანვარში ინფლაციური მოლოდინები გაიზარდა – ეროვნული ბანკი

ეროვნული ბანკის ინფორმაციით, იანვარში ინფლაციური მოლოდინები გაიზარდა. ცენტრალურმა ბანკმა ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის იანვრის თვის…