2024 წლის იანვარ-თებერვალში, საქართველოდან მსოფლიოს 47 ქვეყანაში, ექსპორტირებულია 47,6 მლნ აშშ დოლარის ღირებულების ღვინო, რაც 38%-ით აღემატება 2023 წლის ანალოგიური პერიოდის მაჩვენებელს. ინფორმაციას ამის შესახებ ღვინის ეროვნული სააგენტო ავრცელებს.
უწყების ცნობით, წლის პირველ ორ თვეში ექსპორტზე ჯამში 16,7 მლნ ლიტრი ღვინო გავიდა, რაც გასული წლის საანგარიშო პერიოდის მონაცემებზე 43%-ით მეტია. აქედან რუსეთში 13.2 მლნ ლიტრი ღვინო გავიდა.
“ექსპორტის ზრდა აღსანიშნავია ქართული ღვინის სტრატეგიულ პოლონეთის ბაზარზე – 27% (855,1 ათასი ლიტრი), სადაც რეგიონში არსებული კრიზისის გამო, ბოლო 2-წლიანი პერიოდის კლების შემდეგ, წელს უკვე ექსპორტის ზრდის ტენდენცია დაფიქსირდა.
ბოლო წლების სტაბილური ზრდის ტემპები შენარჩუნებულია უმნიშვნელოვანეს საექსპორტო ბაზარზე გერმანიაშიც – 4% (153,3 ათასი ლიტრი);
საანგარიშო პერიოდში ზრდა დაფიქსირდა სტრატეგიულ ბაზრებზე: ესტონეთი – 41% (50,6 ათასი ლიტრი) და იაპონია – 549% (27,7 ათასი ლიტრი), ასევე ისეთ მნიშვნელოვან ბაზრებზე, როგორიცაა უკრაინა – 27% (792,7 ათასი ლიტრი), კანადა – 472% (50,6 ათასი ლიტრი), ისრაელი – 37% (54,6 ათასი ლიტრი) და სხვა”, – ნათქვამია სააგენტოს მიერ გავრცელებულ ინფორმაციაში.
ღვინის ეროვნული სააგენტოს მონაცემებით, 2024 წლის იანვარ-თებერვალში, საქართველოდან მსოფლიოს 31 ქვეყანაში ექსპორტზე 35.2 მლნ დოლარის ღირებულების 6,3 მლნ ლიტრი სპირტიანი სასმელები გავიდა. გასული წლის ანალოგიურ პერიოდთან შედარებით, რაოდენობრივად ექსპორტი 48%-ით, შემოსავლები კი 46%-ით გაიზარდა.
საქართველოს მთავრობა ქვეყანაში მართვის მოწმობებისა და იარაღის ლიცენზიის გაცემისთვის ფსიქიკური ჯანმრთელობის, ალკოჰოლიზმის, ნარკომანიის და ტოქსიკომანიის მქონე პირების ერთიანი ბაზის შექმნას გეგმავს.…
კომუნიკაციების კომისიამ (ComCom), ევროკავშირის ექსპერტებთან ერთად, საქართველოს სატელეკომუნიკაციო ბაზრის კომპლექსური კვლევის მეორე ეტაპი დაიწყო. კომისიის ინფორმაციით, კვლევის ერთ-ერთი მთავარი მიმართულება ფიქსირებულ საცალო ბაზარზე,…
ეროვნული ბანკის ინფორმაციით, იანვარში ინფლაციური მოლოდინები გაიზარდა. ცენტრალურმა ბანკმა ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის იანვრის თვის…