კვლევების შემდეგ, მთავრობა ახალი აეროპორტის მშენებლობის დაწყებას 2024 წლიდან გეგმავს

კვლევების შემდეგ, მთავრობა ახალი აეროპორტის მშენებლობის დაწყებას 2024 წლიდან გეგმავს

ეკონომიკის მინისტრის განცხადებით, ახალი აეროპორტის მშენებლობასთან დაკავშირებით საბოლოო გადაწყვეტილებას მთავრობა მოკვლევის შემდეგ მიიღებს, თუმცა ხელისუფლებაში ახალი აეროპორტის მშენებლობის დაწყებას 2024 წლის დასაწყისიდან იმედოვნებენ. ამის შესახებ ლევან დავითაშვილმა მთავრობის სხდომის დასრულების შემდეგ განაცხადა.

მან კიდევ ერთხელ აღნიშნა, რომ მთავრობა ავიაციის და აეროპორტების განვითარების ორ ვერსიას განიხილავს, საიდანაც ერთ-ერთი არსებული აეროპორტის გაფართოება შეზღუდულია. მეორე კი ახალი აეროპორტის მშენებლობაა. დავითაშვილის ინფორმაციით, ახალ აეროპორტთან დაკავშირებით, სამუშაოები უწყებამ გასულ წელს დაიწყო და დარგის განვითარების ვარიანტები ქვეყანაში მგზავრთნაკადის ზრდის პერსპექტივებიდან გამომდინარე გაკეთდა, რომელიც ხელისუფლების შეფასებით, ოპტიმისტურია.

აეროპორტის ახალ პროექტზე საუბრისას, ჩვენი გეგმა მოკლევადიანი ვერ იქნებოდა, ამიტომ ახალ აეროპორტთან მიმართებით 2030 წელზე გათვლა პასუხისმგებლიანი მიდგომა არ იქნებოდა. ჩვენი გათვლებით 2050 წლამდე იმ შესაძლებლობებს უნდა ემყარებოდეს, რომელიც აეროპორტს უნდა ჰქონდეს. ასევე დავინახეთ როგორია დინამიკა – როგორ ხდება მსოფლიოში აეროპორტების განვითარება. ამ გამოცდილების გათვალიწინებით, ახლა რამდენიმე ოფციას ვიხილავთ. დღევანდელი მთავრობის განკარგულებით, ჩვენ რამდენიმე საერთაშორისო საექსპერტო ჯგუფს, საკონსულტაციო კომპანიას დავიქირავებთ, რომელთანაც მოლაპარაკებები და გარკვეული კვლევები ამ მიმართულებით უკვე მიდიოდა. დღეს არსებული ქართველი ექსპერტების კვლევები უნდა გადამოწმდეს და მსოფლიოს წამყვან ექსპერტებთან ერთად დამატებითი კვლევები უნდა ჩატარდეს, რომ მივიღოთ გადაწყვეტილება, რომელიც ზოგადად ავიაციის და აეროპორტის განვითარებასთან თანხვედრაში იქნება“, – განაცხადა მინისტრმა და დასძინა, რომ არსებულის გაფართოებასა ან ახალი აეროპორტის მშენებლობასთან დაკავშირებით ცალსახა გადაწყვეტილება მიღებული არ არის.

რაც შეეხება ვადებს, ლევან დავითაშვილი ამბობს: ”ვადებთან დაკავშირებით, ვიწყებთ მუშაობა, მიმდინარე წელს უკვე გვექნება გადაწყვეტილება მიღებული ახალი აეროპორტი იქნება, თუ ადგილობრივი აეროპორტის გაფართოება მოხდება.

ადგილობრივი აეროპორტის გაფართოების გეგმა უკვე არსებობს და “ტავ ჯორჯიასთან” ერთად დამუშავებულია, თუმცა ახალი აეროპორტის კონკრეტული გეგმა, ტექნიკური პირობები მიმდინარე წელს განისაზღვრება და წელს არქიტექტურული კომპანიის შერჩევას შევძლებთ. ჩვენი სურვილი და გეგმაა, რომ 2024 წლის დასაწყისისთვის ახალი აეროპორტის მშენებლობა დავიწყოთ, რომელიც 3-4 წელიწადს გაგრძელდება“, – განაცხადა მინისტრმა.

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…