კომპანია Indorama “რუსთავის აზოტის” შეძენასთან დაკავშირებით განცხადებას ავრცელებს

კომპანია Indorama “რუსთავის აზოტის” შეძენასთან დაკავშირებით განცხადებას ავრცელებს

სააქციო საზოგადოება „რუსთავის აზოტი“, რომელიც კავკასიის რეგიონში მინერალური სასუქებისა და ინდუსტრიული ქიმიკატების ერთ-ერთ ყველაზე მსხვილ საწარმოს წარმოადგენს, გაიყიდა. “რუსთავის აზოტის” 100%-იანი წილის მესაკუთრე კომპანია სს “ე უ ინვესთმენთსმა“ “აზოტი” სინაპურში ბაზირებულ კორპორაცია Indorama-ს ქართულ შვილობილს მიჰყიდა.

დღეს კომპანია Indorama-მ გარიგებასთან დაკავშირებით განცხადება გაავრცელა, რომლის თანახმადაც კონგლომერატი საქართველოში ქიმიური მრეწველობის განვითარებისთვის ინვესტიციების განხორციელებას გეგმავს.

“მოხარული ვართ განვაცხადოთ, რომ კომპანია Excelus Holdings LLC, რომელიც ინდორამა კორპორაციის შვილობილია, გახდა, რუსთავის აზოტის 100%-იანი წილის მესაკუთრე.

“რუსთავის აზოტი” კავკასიაში ინდუსტრიული ქიმიკატებისა და სასუქების ერთ-ერთი უმსხვილესი მწარმოებელია.
ინდორამას სახელით, ჩვენ მივესალმებით “რუსთავის აზოტის” გუნდს ჩვენს ოჯახში.

ეს არის კიდევ ერთი მნიშვნელოვანი ნაბიჯი ინდორამას მიერ სასუქების წარმოების სექტორში დასახული მიზნების განხორციელებისკენ. ჩვენ ვგეგმავთ ჩავდოთ დამატებითი კაპიტალი მომდევნო წლების განმავლობაში, რათა “რუსთავის აზოტის” ქარხნის მოდერნიზება მოვახდინოთ და გავზარდოთ მისი წარმოება,”- ნათქვამია განცხადებაში.

„ინდორამა“ მსოფლიოში ერთ-ერთი ყველაზე მსხვილი კონგლომერატია, რომელიც აერთიანებს მინერალური სასუქების, ინდუსტრიული ქიმიკატებისა და სხვადასხვა ქიმიური პროდუქტის მწარმოებელ საწარმოებს. კორპორაცია ფლობს 160-ზე მეტ საწარმოს მსოფლიოს 38 ქვეყანაში, მათ შორის ევროპის, აზიის, აფრიკის, ჩრდილოეთ და ლათინური ამერიკის კონტინენტებზე და დასაქმებული ჰყავს 45 000 ათასზე მეტი ადამიანი.

კორპორაციის ძირითად საქმიანობას აზოტისა და ფოსფატის სასუქების; პლასტმასის; ტექსტილის; ბამბის; სპანდექსისა და პოლიესტერის წარმოება წარმოადგენს.

Indorama-ს სამეთვალყურეო საბჭოს თავმჯდომარე ინდოელი მილიარდერი შრი პრაკაშ ლოჰიაა, რომლის ქონებაც Forbes-ის მიერ 7.8 მილიარდ დოლარად არის შეფასებული. ასევე მილიარდერთა სიაშია მისი ძმა ალოკ ლოჰიაც, რომლის ქონებასაც Forbes-ი 2.4 მილიარდ დოლარად აფასებს.

თავად Indorama-ს წლიური შემოსავლები 14 მილიარდ დოლარს აჭარბებს.

რაც შეეხება “რუსთავის აზოტს”, ამჟამად საჯაროა კომპანიის 2020 წლის ფინანსური ანგარიში, რომლის მიხედვითაც კომპანიის შემოსავალი 344 მილიონი ლარი იყო.

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…